Accessibility links

сишәмбе, 6 декабрь 2016, Казан вакыты 21:04

Qazannıñ Yerşov uramında urnaşqan yortnıñ cimerekläre astında ike xatın qız gäwdäse tabıldı


Qazannıñ Yerşov uramında urnaşqan yortnıñ cimerekläre astında ike xatın qız gäwdäse tabıldı

Qazanda 8 may könne bulğan faciğa näticäläre xaqında yaman farazlar raslandı. Cimereklär astında ike keşe häläk buldı. Alarnıñ berse 36 yäşlek Yelena Zolotıx, ikençese 13 yäşlek Ğölnara Yosıpova. Ğölnaranıñ gäwdäsen ğadättäntış xällär ministrlığı qotqaruçıları 9 may könne irtänge 4-tä genä taptılar. Niqolay Yerşov uramındağı 32-nçe nomerlı 5 qatlı yortnıñ cimerelgän öleşen qotqaruçılar töne buyı häm 9 may irtäsendä dä çistarttılar, tazarttılar. Xäbär itkänebezçä, cimerelüneñ säbäpläre -- yortnıñ iske xäräbä xäldä buluı, waqıtında tözekländerü çaraları kürelmäw. April azağında bu yortnı maxsus komissiä tikşerep kitkän, läkin bernindi dä näticälär iğlan itelmägän.

Bu atnada şundıy xäräbä yortlar cimerelüneñ bu inde kim digändä, öçençe oçrağı. Başta üzäk kolxoz bazarı dip yörtelgän bazar yanında ber taşlandıq yortnıñ divarı cimerelep töşkän ide. Yal köne bulu säbäple genä keşelärgä zıyan kilmäde. Butlerov uramında yarımtaşlandıq yortta küptän tügel yanğın çığıp, tübäläre ağaç erlekläre yanıp betkän inde. Küptän tügel anıñ divarları da cimerelep töşkän. Monda da, bäxetkä qarşı, binanıñ berençe qatında urnaşqan kibetlärdä eşläwçelärgä zıyan kilmäde. Häm menä qorbanlı häläkät. Tuzğan toraq häm ğomumän kommunal toraqnı tözekländerü belän şöğıllänüçe çinovniklar öçen bu sabaq bulırmı, yuqmı, dip sorıylar qazanlılar.

Yunıs Ätnäle
XS
SM
MD
LG