Accessibility links

якшәмбе, 4 декабрь 2016, Казан вакыты 21:39

Tatarstan yaña konstitutsiä belän yäşi başladı


Tatarstan yaña konstitutsiä belän yäşi başladı

10 maydan Tatarstan yaña redaksiädäge konstitutsiä belän yäşi başlıy. Küptän tügel qabul itelgän respublikanıñ töp qanunı comğa könne köçenä kerä. Bezneñ konstitutsiä respublikada yäşäüçe küpmillätle xalıqnıñ mänfäğätlärenä turı kilä, dip äytte Mintimer Şäymiev üzeneñ İntertat.ru säxifäsenä birgän äñgämäsendä. Şulay uq ul anda, suverenitet, ike däülät tele, kileşü kebek süzlär respublika xalqı öçen buş süzlär genä tügel. Şuña kürä dä inde alarnı konstitutsiäneñ yaña redaksiäsendä dä qaldıru bezneñ öçen bik möhim ide. Minemçä, yañartılğan konstitutsiä härkemgä dä oşarğa tieş. Qayberäülär fikerençä, bez bu konstitutsiädä elekkese belän çağıştırğanda küp kenä närsälärne yuğalttıq. Läkin bu döres tügel. Tormış üzgärep tora bit ul. Bez federativ däülättä yäşibez -- monıñ turında respublika konstitutsiäsendä açıqtan-açıq yazılğan, dip belderde Tatarstan prezidentı Mintimer Şäymiev. Respublikanıñ Däülät Şurası räise Färit Möxämmätşin isä, konstitutsiägä kertelgän üzgäreşlär äle soñğıları tügel, digän fikerdä. Rusiädä küçü çorı tämamlanmağan, şuña kürä bezneñ töp qanunda da üzgäreşlär äle bulaçaq, dip uylıy Färit Möxämmätşin.
XS
SM
MD
LG