Accessibility links

җомга, 9 декабрь 2016, Казан вакыты 03:16

Kiläse atnada Tatarstanğa Rusiä premyer-ministrı Mixail Kasyanov…


Kiläse atnada Tatarstanğa Rusiä premyer-ministrı Mixail Kasyanov…

Şulay itep, Tatarstan yaña tormış başladı, disäñ dä bula. Ämmä monı sizüçelär respublikada ällä ni yuq buğay. Çönki tatarstanlılar yal itä. İnde xäbär itkänebezçä, 9 mayda Qazanda Ciñü könen bäyräm itttelär. Töngä qädär däwam itkän küpsanlı bäyräm çaralarınnan arığan qazanlılarnıñ bügen qaysısı yal itä, ä qaysıları, matur yazğı yal könnären äräm itmiçä, üzläreneñ baqçalarında eşläp qalırğa aşığa. Şuña kürä, soñğı 2-3 köngä respublikada tormış tınlanıp, tınıçlanıp qaldı. Xäyer, bu Tatarstan öçen genä tugel, ä böten Rusiägä xas närsä. Läkin inde kiläçäk düşämbedän ük yal, bäyräm itep arığan xalıq ta, xaqimiätlär dä aktiv eşkä totınaçaqlar. Şuşı waqıtqa respublikağa küp kenä qunaqlar da kilergä cıyına ikän. Mäsälän, Rusiäneñ premyer-ministrı Mixail Kasyanov. Vizitınıñ tögäl waqıtları älegä äytelmi. Kasyanovqa kürsäteläçäk sänäğät obyektlarınıñ isemlege inde äzerlängän. Mäskäü qunağı Qazanda buludan tış, Tübän Kama, Çallı şähärläre belän dä tanışırğa teli ikän. Mixail Kasyanovqa QamAZ, «Nijnekamskneftexim», «Nijnekamskşina» şirkätlären kürsätäçäklär, şulay uq ul Qazanda urnaşqan motor tözü, aviatsiä şirkätläre, boralaq zavodı eşçänlekläre belän qızıqsınaçaq. Premyer-ministrnı Qazan şähäreneñ meñyellığına äzerlege, respublikada şaqtıy uñışlı ğına eşläp kilüçe tuzğan toraqnı beterü programması belän tanıştıraçaqlar.
XS
SM
MD
LG