Accessibility links

чәршәмбе, 7 декабрь 2016, Казан вакыты 01:04

Möselman xatın-qızları xalıqnı bülgäläwgä häm sıra bäyrämenä qarşı


Möselman xatın-qızları xalıqnı bülgäläwgä häm sıra bäyrämenä qarşı

Tatar xalqınıñ bötenlegen saqlaw probleması möselman xatın-qızların da borçıy. Çärşämbe könne, Ramazan mäçetendä cıyılğan mögälimälär millättäşlärebezne bülenmäskä çaqırıp, maxsus qarar qabul itte. Alar, şulay uq, pasport alğanda yawlıq bäyläp fotoräsemgä töşü mömkinlege öçen dä köräşergä uylıy.

Möselman xatın-qızların borçıy torğan tağın ber mäsälä bar. Ul da bulsa, Qazannıñ üzäk mäydanında, Kreml' yanında, Qol Şärif mäçetennän yıraq tugel sıra bäyrämen ütkärü mäsäläse. Älege cıyında qatnaşqan 200-gä yaqın xatın-qız şuşı bäyrämne ütkärüne tıyarğa digän möräcäğät tä qabul itkän. Soñğı waqıtta, respublikanıñ küp kenä xaqimiät wäkilläre şuşı bäyrämgä qarşı çığa başladı. Ütkän yılnı Qızıl Şärıq isemle sıra şirkäte zur reklama çarası ütkärgän ide. Andıy bäyräm bıyıl da uzdırılırğa tieş. Xaqimiät wäkilläre häm sıra şirkäte arasındağı qarşılıq niçek çişeler, monı yaqın arada kürerbez.
XS
SM
MD
LG