Accessibility links

җомга, 9 декабрь 2016, Казан вакыты 12:55

Tatarstannıñ dini konfessiä citäkçeläre möräcäğät belän çıqtı


Tatarstannıñ dini konfessiä citäkçeläre möräcäğät belän çıqtı

Anastasiy ataqayğa süz birelgäç, ul şulay uq tatulıqnı xupladı häm Tatarstan konfessiä liderlarınıñ möräcäğäten uqıdı. Möräcäğättä soñğı waqiğalärneñ yalğan dini sektalar, ekstremistik häm terroristik oyışmalarnıñ eşçänlegenä qarşı toruğa täwäkällek kirägen kürsättelär, dielä. Möräcäğättä Kaspiyskiy şähärendäge faciğa ayırım şärexlänä. Mondıy waxşilek häm kürälätä torıp yasalğan cinäyätlär barı tik cämğiätneñ ğoref-gädätlären ütämäwendä häm ählaqi vatanpärvär tärbiäneñ tübän däräcädä buluında kürälär möräcäğätne imzalawçılar. Cawap süzendä Vladimir Ruşaylo Tatarstanda töp konfessiä liderları başqarğan eşlärne häm möräcäğätne xupladı, räxmät belderde.

Mintimer Şäymiev häm Vladimir Ruşaylonıñ qısqa ğına çığışlarınnan soñ söyläşülär tämamlandı da. Qunaqlarnı ozatqan waqıtta, “Azatlıq” radiosı öçen birgän intervyusında Ğosman xäzrät İsxaqi İslam universitetı xäle belän Rusiä türälären tanıştırunıñ kiläçäktä universitetnıñ matdi xälen yaxşırtuğa uñay yoğıntısı bulır, dip sanıy. Möräcäğätneñ Rusiädäge soñğı Dağıstan häm Çeçnya faciğälärennän soñ qabul itelüe urınlı, bu ekstremistik ğämällärneñ Tatarstanğa da kilep citü ixtimalı turında kisätü dip sanıy.

Şulay itep, Qazanda urnaşqan Rusiä İslam universitetında Rusiä xaqimiäte delegatsiäse bulğannan soñ küktän niğmätlär yawu ğälämätläre kürenmäde. Läkin bu vizit barışında İslam universitetınıñ matdi xälen yaqlar, yäğni Tatarstan da, Rusiä dä küz aldında, kontroldä totaçaqları mäğlüm.

İnde xäbär itkänebezçä, Rusiä delegatsiäse Tatarstannıñ sänäğäte, bigräk tä “oboronka”, yäğni saqlanu tarmağınıñ xäle häm tärräqiäte buyınça zur kiñäşmä ütkäräçäk. Anısı comğa köngä bilgelängän. Qazannnıñ şundıy ere şirkätläre aviatözeleş berläşmäse xäle belän tanışu inde başlandı.
XS
SM
MD
LG