Soñğı könnärdä Qazan uramnarında yörü ber bälägä äwerelde. Äledän äle maşina yulları yabıla, bäyrämçä kiengän DAİ xezmätkärläre zatlı avtomobillärne uzdıralar. Avtomobilçelär sügenälär. Şulay da, äytergä kiräk, yul xäräkäten oyıştıruçı DAİ xezmätkärläre soñğı waqıtta ğadi keşelär belän isäpläşä başladılar kebek. Vladimir Ruşaylo häm Gennadi Seleznev kiler aldınnan qayber gäcitlärdä DAİneñ avtomobil' yörtüçelärgä qısqa möräcäğäte basılıp çıqtı. Yänäse, üpkälämägäz, qunaqlar kilgäç, yullarda uñaysızlıqlar küp bulaçaq. Elegeräk kiräkme-kiräkmime, militsionerlar uramnarnı berär säğätkä yä annan da kübräk waqıtqa bikläp quyalar ide. Xäzer bu mäsälä döresräk çişelä başladı, uramnar delegatsiä uzıp kitär aldınnan ğına yabıla.
Şulay da qızıqsındırğan waqiğalar uramda ğına tügel. Närsä eşläp yörilär soñ Mäskäw qunaqları Qazanda? Vladimir Ruşaylo, Rusiäneñ İminlek şurası särqatibe bularaq, Vladimir Putin quşuı belän kilgän dilär. Saqlanu kompleksın nığıtu, cinäyätçelekkä qarşı köräşü, milli häm dini ekstremizmnı yuq itü. Qısqaça äytkändä, vizitnıñ maqsatı änä şunnan ğibarät.
Bu turında 17 mayda Qazan Kremlendä maxsus üzdırılğan kiñäşmädä zur söyläşü buldı. Anda Tatarstan prezidentı, premyer-ministrı häm ministrlar, şirkät citäkçeläre, ğalimnär qatnaştı. Qısqası, däräcäle qunaqlar iminlek mäsäläsendä Tatarstannı maqtap ta, tıynaq qına tänqit itep tä aldılar. Mäskäw, Kavkaz belän awızı peşkäç, başqa töbäklärdä yäşägän möselmannar turında qayğırta başladı. Läkin bu qayğırtular qayçaq yarlıqlar tağu, här cinayät artında möselman radikallarınıñ qara eşen kürü, psixoz belän tämamlana. Ä bit Mäskäwdä dä, başqa töbäklärdä dä törle şovinistlar, ekstremistlar, urıs bulmağan millätlärne qıyırsıtırğa omtıluçı, “yäş şalqan”nar üzlären älege irken totalar. Menä alarnı da onıtası tügel ide.
Şulay da qızıqsındırğan waqiğalar uramda ğına tügel. Närsä eşläp yörilär soñ Mäskäw qunaqları Qazanda? Vladimir Ruşaylo, Rusiäneñ İminlek şurası särqatibe bularaq, Vladimir Putin quşuı belän kilgän dilär. Saqlanu kompleksın nığıtu, cinäyätçelekkä qarşı köräşü, milli häm dini ekstremizmnı yuq itü. Qısqaça äytkändä, vizitnıñ maqsatı änä şunnan ğibarät.
Bu turında 17 mayda Qazan Kremlendä maxsus üzdırılğan kiñäşmädä zur söyläşü buldı. Anda Tatarstan prezidentı, premyer-ministrı häm ministrlar, şirkät citäkçeläre, ğalimnär qatnaştı. Qısqası, däräcäle qunaqlar iminlek mäsäläsendä Tatarstannı maqtap ta, tıynaq qına tänqit itep tä aldılar. Mäskäw, Kavkaz belän awızı peşkäç, başqa töbäklärdä yäşägän möselmannar turında qayğırta başladı. Läkin bu qayğırtular qayçaq yarlıqlar tağu, här cinayät artında möselman radikallarınıñ qara eşen kürü, psixoz belän tämamlana. Ä bit Mäskäwdä dä, başqa töbäklärdä dä törle şovinistlar, ekstremistlar, urıs bulmağan millätlärne qıyırsıtırğa omtıluçı, “yäş şalqan”nar üzlären älege irken totalar. Menä alarnı da onıtası tügel ide.