Accessibility links

шимбә, 3 декабрь 2016, Казан вакыты 09:56

…Qazanğa Sankt-Peterburg delegatsiäse kilde


…Qazanğa Sankt-Peterburg delegatsiäse kilde

Düşämbe irtäsendä Sankt-Peterburg gubernatorı urınbasarı Aleksandr Vaxmistrov citäkçelegendäge delegatsiä Tatar kongressında oçraşu ütkärde. İndus Tahirov häm başqa tatar wäkilläre belän söyläşü waqıtında Peterburgtağı tatar eşläre häm Qazan belän Peterburg xezmättäşlegen cäyeldergändä tatar faktorın isäpkä alu turında süz bardı. Şunısı qızıq, Vaxmistrovnıñ säfärdäşläre – Tatarstannıñ Peterburgtağı wäkile Şamil Äxmätşin, “İnjstroy” aksionerlıq cämğıäte prezidentı Şamil Akbulatov, töbäklärneñ iminlek problemaları institutı prezidentı Räşit İsmäğilev, Admiralteyskiy rayonınıñ başlığı Yunis Lokmanov. Tatarlar Peterburgta abruylı urınnarda eşlägäç, tatar milli mädäni tormışı da yaxşıraq barırğa tieş. Avtonomiäne nığıtu, gazeta çığaru mäsäläläre dä şunda tikşerelde. Şulay itep, Peterburgnıñ 300 yıllığı häm Qazannıñ meñyellığına äzerlänü bergä barırğa tieş häm bu eşlärdä tatarlar aktivlıq kürsätä. Başqortostannıñ Stärletamaq rayonınada tuıp üskän Yunis Lokmanov tatarlar küpläp yäşi torğan Admiralteyskiy rayon başlığı bulıp uzğan yılda bilgelängän. Bu kilüendä ul Qazan şähäreneñ Vaxitov rayonı başlığı Räfis Borhanov belän üz rayonnarı arasında xezmättäşlek alıp baru turında kileşü tözede.
XS
SM
MD
LG