Accessibility links

шимбә, 10 декабрь 2016, Казан вакыты 02:13

Tatarstan xalıq sanın aluğa äzerlänä


Tatarstan xalıq sanın aluğa äzerlänä

Rusiä räsmiläre bulıp kitkännän soñ Tatarstanda berniqadär tınlıq küzätelä. Düşämbe könne prezident Mintimer Şäymiev rayon, şähär administratsiäse başlıqları, ministrlıqlar citäkçeläre belän ütkärgän kiñäşmädä iqtisadi mäsälälär kütärelde. İnde söylägänebezçä, berençe çiratta xalıq sanın alu mäsäläse. Monda da mäsäläneñ säyäsi yaqları quzğatılmadı. Ä menä oyıştıru, alıp baru mäsälälären tikşergändä, qayber qızıqlı detallär mäğlüm buldı. Äytik, xalıq sanın aluğa isäpläwçelär itep eşsezlärne cälep itü mäsäläse. Berençedän, monıñ belän bik mawıqmasqa täqdim itelde. İsäpläwçelär kompetentlı keşelär bulırğa tieş. İkençedän, soñğı yılda Tatarstanda eşsezlär sanınıñ berniçä meñgä artuı mäğlüm buldı. Cawaplı çinovniklar bu tendensiäneñ säbäplären añlata almadılar. Qaçaqlar mäsäläsendä dä alarnıñ tögäl genä sanın, xälen äytep birüçe bulmadı. Bu problema belän şöğellänüçe oyışmalarnıñ sannarı berniçä distä meñgä ayırıla. Çinovniklar atağan iñ yuğarı san 70 meñ buldı. Läkin 90-nçı yıllar başınnan uq qaçaqlar belän şöğellänüçe cämğıät citäkçese Yunıs Kamaletdinov xäzer Tatarstanda 200 meñnän artıq qaçaqlar bar, dip sanıy. Häm alarnıñ küpçelege tatarlar. Demografiäneñ xälenä xalıq sanı kimegän ber waqıtta ägär dä respublikağa äylänep qaytuçı millättäşlärebezne barlaw, urnaştıru bik mäslixät bulır ide, yuğisä.
XS
SM
MD
LG