Accessibility links

җомга, 9 декабрь 2016, Казан вакыты 05:04

Qazanda Näwrüz teatr festivale…


Qazanda Näwrüz teatr festivale…

İnde xäbär itkänebezçä, 20 mayda Tatarstanda törki xalıqlarınıñ 7. Xalıqara Näwrüz teatr festivale başlanıp kitte. Festival açu tantanasına tanılğan akter Aleksandr Kalyagin citäkçelegendä Rusiä teatr eşlekleläre berlege delegatsiäse kilde. Delegatsiäne prezident Mintimer Şäymiev qabul itkändä, Kalyagin Tatarstanda teatr sänğäte torışına yuğarı bäya birde. “Tatarstan bügen teatr dönyası bulğan berdän-ber respublika, aña qarap yünäleşne bilgelärgä mömkin”, dide Aleksandr Kalyagin. Läkin ul teatrlarnıñ, akterlarnıñ Tatarstanda da matdi qıyınlıqlar kiçerüen belä, Mintimer Şäymiev belän oçraşqanda Aleksandr Kalyagin akterlarnıñ pensiälärenä östäp tüläw, Akterlar yortın tözätü, yañartu problemaların kütärde.

Annarı soñ şuşı äñgämädä qatnaşuçılar häm Ğaliäskär Kamal isemendäge tatar däwlät akademiä teatrı, Kaçalov isemendäge rus drama teatrı rejisserları häm äydäp baruçı akterları G.Kamal teatrı qarşındağı mäydanda Näwrüz teatr festivalen açuda qatnaştılar. Tantana barışında G.Kamal teatrınıñ elekke baş rejisserı Marsel Sälimcanov iseme yış iskä alındı. Festival M.Sälimcanovnıñ wasiät spektakle “Basketbolist” belän açıldı. Mäğlüm ki, bıyıl Tatarstanda Näwrüz festivale ikençe tapqır uzdırıla. 1998 yılda täwge märtäbä uzdırılğanda, festivalneñ töp oyıştıruçıları Törksoy xalıqara oyışması citäkçese Äzärbäycan mädäniät ministrı Polad Bılbıl-oğlı kilgän ide. Bu yulı ul festivalne qotlap telegramma cibärgän. Festival'dä bu yulı 14 teatr qatnaşa. Alar arasında Törkiä, Äzärbäycän, Qazağıstan, Qırğız, Tuwa, Xaqqas teatraları bar. Ä spektakllär G.Kamal teatrı, däwlät drama teatrı häm Yäş tamaşaçı teatrı binalarında bara.
XS
SM
MD
LG