Accessibility links

Färit Möxämmätşinğa – 55 yäş


Färit Möxämmätşinğa – 55 yäş

Çärşämbe könne räsmi matbuğat Tatarstan Däwlät Şurası räise Färit Möxämmätşinğa 55 yäş tuluı turında xäbär itte. Qayber gäcitlärdä spikernıñ räseme häm cılı qotlawlar basılğan ide. Ul süzlärneñ eçtälege turında ozaq söyläp tormıy, şunısın äytergä kiräk: Färit Möxämmätşin böten yaqtan kilgän ir-yeget. Soñğı un yıl eçendä ul respublkada yäşäwçelärneñ küz aldında buldı. Häm anı berençe çiratta xalıq parlament sessiälären caylı alıp bara torğan citäkçe itep belälär.

Färit Möxämmätşinnıñ säyäsi ozın ğomerlege, älbättä, anıñ prezident belän añlaşıp eşläwendä. İñ çetrekle mizgellärdä dä Färit äfände Babayga tuğrıqlı buldı, törle törkemnärgä qatnaşmadı. Tatarstan parlamentı räise Mäskäw belän söyläşülärdä dä möhim prinsipial mäsälälärdä üz qaraşın, üzeneñ pozitsiäsen açıq belderep, anı yaqlap kilde. Parlamentnıñ türälärdän toruında Färit Möxämmätşinnıñ öleşe ni däräcädä bulğandır, äytüe qıyın, tik bernärsä açıq: soñğı yıllarda qanunnarnı täñgälläşterü çorında spikernıñ aq çäçläre küzgä kürenep arttı. Kiläçäk tä dä yubilyarğa tınıç tormış wäğdä itmi kebek. Çönki alda Däwlät Şurasınıñ yañabaştan üzgärtep qoru mäsäläse tora. Häm yaña parlament belän idarä itü dä berdä ciñel eşkä oxşamağan. Şuña da “Watanım Tatarstan” gazetasında Färit Möxämmätşinğa yullanğan “kiläçäktä dä ğadel säyäsätçe, respublika mänfägätlärendä aru-talunı belmäs däwlät eşleklese bulıp qalığız” digän süzlärgä quşılıp, xuplısı kilä.
XS
SM
MD
LG