Accessibility links

якшәмбе, 4 декабрь 2016, Казан вакыты 13:18

Tağın sıra bäyräme turında


Tağın sıra bäyräme turında

Mäğlüm ki, “Azatlıq” radiosı Qazanda 25 mayda uzaçaq sıra bäyrämenä zur iğtibar birep kilä. Bäyrämgä sanawlı könnär genä qalıp bara, ä anı uzdıru tiräsendä bäxäslär tuqtamıy. Pänceşämbedä Tatarstan xökümäte dä premyer-ministr urınbasarı Zilä Wälieva awızı belän älege bäyrämneñ Soñğı qıñğıraw belän turı kilüen tänqitläp çıqtı. Moña xätle Tatarstan televideniesennän premyernıñ berençe urınbasarı Rawil Moratov “min mondıy bäyrämneñ mäğnäsen añlamıym, sıra yortın açsınnar da, şunda bäyräm itsennär”, digän ide. Sıra bäyrämen uzdıru küräseñ, şul xätle nıq oyıştırılğan, anı xätta xökümät tä tuqtata almas kebek. Şähär xakimiäte şuña barıp citte ki, il buyınça uzdırıla torğan Soñğı qıñğırawnı 1 kön aldan, 24 mayğa küçerü turında färman çığardı. Älbättä, sıra bäyräme kebek “izge sıyırğa”, döresräge, çarağa qağılırğa yarıymı soñ! Ştu sin! Mäktäp balalarına barıber tügelme? İke kön rättän bäyräm itsennär. Ä sıra bäyrämendä awırtqan başların tözätsennär. Menä şundıy mantıqtan çığıp qına añlap bula älege färmannı.

Damir Ğismetdin
XS
SM
MD
LG