Şul uq sıra bäyräme, şähär xaqimiäte däräcäsendäge keçkenä waqiğa säyäsi yañğıraş taptı. Respublika xökümäte prezidentnıñ süzsez yärdämenä tayanıp Qazanda kem xuca ikänlegen kürsätte. Qol Şärif manarası yanında pojar qalançası zurlığındağı şeşä bastırıp quyıp, şul tarafta şärä qızlar yarıştırıp, sıra bäyräme ütkärü planı iñ soñğı sägätlärdä tuqtatıldı. “Qızıl Şäreq” firması xucası Ayrat Xäyrullin üzeneñ bu eşkä bik açuı kilgänen yäşermäde. Qazan minnän mondıy büläklärne tiz genä ala almas, dip belderde ul. Sıra bäyräme kiçekterelsä dä, ul şunıñ äzerlegenä 7 million sum aqça totqan ikän. “İvanuşki international” kebek Mäskäwneñ populyar törkemnärenä, Qazanğa kilmäsälär dä, tulısınça aqça tülärgä turı kilgän. Xäyer, bu qädär aqçalarnı faydalıraq eşkä totqanda da zıyan bulmas ide.
Sıra bäyräme ütmäsä dä 7 million sum aqça totılğan
Sıra bäyräme ütmäsä dä 7 million sum aqça totılğan