Accessibility links

пәнҗешәмбе, 8 декабрь 2016, Казан вакыты 07:16

Qazanda Xalıqara balet häm biyü festivale ütä


Qazanda Xalıqara balet häm biyü festivale ütä

Respublikada mädäni tormış ta ğädättägeçä görläp tora. 29 may könne Qazanda balalarnıñ ikençe xalıqara xalıq biyüwe festivale başlandı. Anıñ açılu tantanası çärşämbe könne Kamal teatrı binasında uzdı. Festival' “Tatarstan balaları” programması qısalarında respublikanıñ yäşlär eşläre häm sport ministrlığı tarafınnan oyıştırıldı. Bu çaranıñ töp maqsatı – talantlı yäşlärne açıqlau. Şuşı biyü bäyrämendä qatnaşu öçen Qazanğa Rusiä töbäklärennän genä tügel, ä Pol'şa, Qazağstan, Latviädän yäş biyüçelär cıyıldılar. Başqalabızdan bu bäygedä “Bäxetle balaçaq” törkeme çığış yasayaçaq. Bäyge 2 iyüngä qädär däwam itep, yäkşämbe könne Qazannıñ Musa Cälil isemendäge opera häm balet teatrı binasında zur, matur bäyräm belän tämamlanaçaq.

Qazanda şulay uq Nuriev isemendäge 16 Xalıqara balet festivale dä däwam itä. Qazan tamaşaçıları çärşämbe könne Çaykovskiynıñ «Lebedinoe ozero» baletın qaradılar. Pänceşämbe isä baletnı yaratuçılarğa Minkusnıñ «Don Kixot» spektakle täqdim iteläçäk. Nuriev festivale 31 mayda, comğa könne zur gala-konsert belän yabılaçaq.

Çärşämbe könne Kamal teatrında tanılğan tatar artistkası Säxibcamal Ğizzätullina-Voljskayanıñ 110 yıllıq yubileena bağışlanğan zur kiçä uzdı. Ä 31 mayda teatr “Basketbolist” spektaklen kürsätäçäk. Şuşı spektakl' belän Kamal teatrı üzeneñ 96 sezonın yabarğa tieş ide. Läkin küpsanlı teatr söyüçelärneñ sorauları buyınça sezon älegä yabılmıy ikän. Ğäliskär Kamal teatrınıñ keçe zalında spektakllär yün ayında da däwam itäçäk.

«Azatlıq» radiosı öçen Tatarstan xäbärläre belän Qazannan Gölnaz İlgizär
XS
SM
MD
LG