Accessibility links

җомга, 9 декабрь 2016, Казан вакыты 03:16

Teläçe rayonında awıl xucalığına bağışlanğan kiñäşmä uzdı


Teläçe rayonında awıl xucalığına bağışlanğan kiñäşmä uzdı

30 may könne Teläçe rayonında awıl xucalığına bağışlanğan zur kiñäşmä uzdı. Anda rayon, şähär başlıqları, törle ministrlıqlar citäkçeläre qatnaşqan. Kön tärtibendä yazğı qır eşlären yomğaqlaw häm awıl xucalığınıñ iqtisadi xäle. Awıl xucalığınıñ uzğan yıldan qalğan iqtisadi problemaları da xäl itelep betmägän. Mäğlüm ki, uzğan yılğı uñış öçen täwge märtäbä xucalıqlarğa kreditlar birelde. Kreditlar cıyıp alınğan uñış realizatsiälängäç qaytarılırğa tieş ide.

Läkin bazar iqtisadı – bazar inde ul. Köndäşlek, konkurensiä digän närsä bar. Uzğan yıl Rusiäneñ başqa töbäklärendä dä uñış mul buldı. Respublika xucalıqları aşlıqların sata almadı. Xäzerge köngä dä uzğan yıl alınğan kreditlarnıñ 90 % qaytarılğan, şunıñ barı tik 1/3 genä aqçalata qaytarılğan digän mäğlümat bar. Bıyılğı uñışqa däwlät yärdäme başqaça oyıştırılaçaq. Respublikada azıq-tölek korporatsiäse tözelde. Bu korporatsiä awıl xucalığın eşkärtü şirkätlärenä kreditlar biräçäk. Ä şirkätlär üz çiratında kileşülär aşa xucalıqlarğa aqçalata yärdäm itäçäklär. Awıl xucalığında inde bıyıl da problemalar kilep çıqtı. May ayı salqın kilde. Tönyaq rayonnarda monnan ber atna çaması elek tezdän qar yaudı. Temperaturanıñ 11 gradus suıq buluı küzätelde. Bu rayonnarda, xätta, közdän çäçelgän ucımnar da öşegännär digän xäbärlär kilde. Şuña kürä Teläçedä ütkän kiñäşmädä söyläşenäse tema citdi ide. Räsmi mäğlümat çaraları bu kiñäşmädä prezident Mintimer Şäymiev qatnaşaçaq, dip belderde. Pänceşämbe könne Mintimer Şäymievneñ kinät kenä Mäskäwgä kitüe mäğlüm buldı. Ğayıre räsmi xäbärlärdän belengänçä, ul pänceşämbe kiçendä Vladimir Putin belän oçraşaçaq. Bu oçraşuda küptän tügel maxsus komissiä täqdim itkän wäqälätlär büleşü konsepsiäse buyınça söyläşü bulaçaq.
XS
SM
MD
LG