Accessibility links

пәнҗешәмбе, 8 декабрь 2016, Казан вакыты 15:05

Miñtimer Şäymiev: KamAZda qısqartu bulmayaçaq


Miñtimer Şäymiev: KamAZda qısqartu bulmayaçaq

Sişämbe räsmi xäbärlärendä prezident Mintimer Şäymievneñ Çallıda KamAZ berläşmäse xaqındağı wäzğıätkä östämä añlatması çıqtı. Azatlıq radiosı söylägänçä, berençe vitse-premyer Rawil Moratov Çallı şähär şurası sessiäsendä KamAZda 15 meñ xezmätkärneñ qısqartıluına äzer bulırğa kiräk, dip beldergän ide. Çallıda ğına tügel, xätta Mäskäwdä dä bu xäbär cämäğätçelekne şaqqatırdı. KamAZnıñ küptän tügel bilgelängän general' direktorı Sergey Kogogin Rawil Moratov farazın maxsus matbuğat oçraşuında kire qağtı. Häm menä prezident awızınnan da “bez Sergey Kogogin alıp barğan säyäsätne xuplıybız, 10 meñlägän keşe qısqartıla digän süzlär nigezsez”, digän kommentariy işetelde. İnde bolay da elek KamAZda eşlägän 130 meñ keşeneñ 51 meñe genä qalğan. Şuña kürä andıy zur qısqartular buluı mömkin tügel.
XS
SM
MD
LG