Şulay itep, Tatarstan üzeneñ başqa illär belän xezmättäşlegen arttıra bara. Şuşı könnärdä genä Qazanda «Biznes-Pol'şa—2002» dip isemlängän ikençe milli kürgäzmä açıldı. 7 iyüngä qädär baraçaq bu kürgäzmädä Pol'şanıñ 60-tan artıq şirkäte üzläreneñ produksiäsen kürsätäçäk. Kürgäzmä Pol'şa respublikası iqtisad ministrlığı bulışlığında oyıştırılğan. Bilgele bulğança, Tatarstan belän Pol'şa arasındağı qayçandır şaqtıy canlı elemtälär soñğı arada tuqtalıp torğan ide. Läkin bıyıl alar qabat yañardı. Näticädä şuşı kürgäzmä oyıştırıldı. Kürgäzmäne açu tantanasında Pol'şa ilçelegeneñ xezmätkärläre, Tatarstannıñ säwdä-sänäğät palatası wäkilläre, eşmäkärlär qatnaştı. Alar barısı da kiläçäktä Tatarstan belän Pol'şa arasında nıqlı iqtisadi-mädäni xezmättäşlek bulır, dip ışanalar.
Qazan Pol'şa belän tanışa
Qazan Pol'şa belän tanışa