Accessibility links

Кайнар хәбәр

Rusiä Däwlät Duması “Rusiä Federatsiäse xalıqları telläre turında“ğı qanunğa latin imlasına qarşı östämä kertte


Rusiä Däwlät Duması “Rusiä Federatsiäse xalıqları telläre turında“ğı qanunğa latin imlasına qarşı östämä kertte

Şulay itep, tatar xalqı tağın ber iregennän mäxrüm itelde. Mäskäw tatarlarğa nindi imlada yazu mäslixät ikänen dä kürsätte. Rusiä Däwlät Duması çärşämbe könge utırışında “Rusiä Federatsiäse xalıqları telläre turında“ğı qanunınıñ 3. maddäsenä östämä kertte. Anda Rusiä Federatsiäseneñ häm milli respublikalarnıñ däwlät tellärendä kirillitsa nigezendäge alfavit qına qullanırğa mömkin, dielä. Mäğlüm ki, Rusiä Däwlät Dumasında Tatarstannan saylanğan deputatlar arasında da latinğa küçügä ike qapma-qarşı fikerdä toruçılar buldı. Deputatlar Sergey Şaşurin, Sälimxan Äxmätxanov tatarlarnıñ latinğa küçüe ul törekläşterü säyäsäte, xalıqqa ul kiräkmi, digän pozitsiädä tordılar. Fändäs Säfiullin tatarlarnıñ ğına tügel, başqa millätlärneñ dä xoquqların yaqlap çıqtı. Rusiä Däwlät Duması qaramağına ul alternativ qanun proektı täqdim itte. Anda Rusiä Federatsiäsenä kergän milli respublikalar üz alfavitların üzläre saylap alırğa xoquqlı, dielgän ide.

Fändäs Säfiullin Rusiä Däwlät Duması älege tözätmäne kertkännän soñ tatarlar barıber latinnan baş tartmayaçaq, dip belderde. Anıñ fikerençä, barlıq xalıqlarğa da kirillitsa qullanırğa digän östämä Rusiä Konstitutsiäseneñ beryulı berniçä maddäsenä qarşı kilä, tatar telen diskriminatsiäli. Äytik, Rusiädäge ärmän mäktäbe üz alfavitın qullana ala, ä tatar mäktäbe - yuq, bulıp çığa. Şuña kürä Tatarstanda bu östämäne, bu çikläwne bik ciñel genä uratıp uzarlar, dip sanala. Äytik, inde yarımşayarıp, mäktäplärdä qaçıp qına latin imlasında uqıtıp, öyrätep, ä çığımnarnı Strassburgta xalıqara mäxkämäse qararı belän tülätelgän aqçalar belän qaplarğa bula, dip äytälär. Çönki, hiçşiksez, xalıqara xoquq normaları mondıy tözätmäne ayırım millätlärneñ xoquqın çikläw dip tabaçaq.
XS
SM
MD
LG