Accessibility links

чәршәмбе, 7 декабрь 2016, Казан вакыты 17:39

Bötentatar İctimaği Üzäge Çallı bülegenä bulğan höcümne tatar milli xäräkätenä qarşı säyäsi terror ğämäle dip bäyäläde


Bötentatar İctimaği Üzäge Çallı bülegenä bulğan höcümne tatar milli xäräkätenä qarşı säyäsi terror ğämäle dip bäyäläde

5 yündä BTİÜ Çallı bülegenä bulğan höcüm turında mäğlümät oçraşuı ütkärde. Tatarstannıñ barlıq mäğlümat çaraları da bu matbuğat oçraşuı turında täfsille reportajlar birgängä kürä Tatarstannan çittä yäşäwçe millättäşlärebez öçen qısqa ğına mäğlümät. Matbuğat oçraşuında BTİÜneñ Çallı bülegenä 29 mayda bulğan höcümgä - tatar milli xäräkätenä qarşı säyäsi terror digän bäya birelde. Şundıy eçtälekle säyäsi möräcäğät qabul itelde, respublika prokurorına häm eçke eşlär ministrına açıq xat yazıldı. Çönki bu höcüm waqıtında 5 keşegä awır tän cäräxätläre yasawdan bitär, wäxşilärçä Tatarstan bayrağı yırtılğan, gerb süräte watılğan. Xoquq saqlaw oyışmaları bu höcüm uñayınan xuliganlıq digän maddä nigezendä cinäyät eşe açsalar da, däwlät simvolların xurlaw, mısqıl itü faktı bik telgä alınmıy.

BTİÜneñ matbuğat oçraşuında şulay uq 1 yündä qabul itelgän törek häm fin-uğır xalıqları ictimaği berlekläre wäkilläre kiñäşmäseneñ Yevro-Aziä regional' konfederatsiälär oyıştıru turında qararı iğlan itelde. Älege dokumentlarnıñ kiläçäge häm waqiğalär barışı turında kiläse tapşırularda.

Yunıs Ätnäle
XS
SM
MD
LG