Accessibility links

Кайнар хәбәр

Sabantuy bäyrämeneñ üzençälekläre


Sabantuy bäyrämeneñ üzençälekläre

Azatlıq’nıñ Mäskäüdäge xäbärçese Näzifä Kärimova yäkşämbe könne tup-turı tuğan awılına qaytıp, anda Sabantuyı ütkärelmäwen belgän. Tapşırularnıñ qayda niçek işetelüe turındağı tema Sabantuyı mäsälälärenä borıldı. Añlıysızdır, Mäskäüdän reportajlar äzerläüçe Näzifä Kärimovanıñ çirattağı tapşıruı Mamadış rayonınıñ Artış awılınnan bulaçaq. Sabantuyı digännän, anıñ härqayda qabatlanmas üzençälekläre bar. Monrealdä, NewYorkta, İstambulda Sabantuyları şähär yanı parklarında ütä. Ä Çuwaşiäneñ Batır rayonında köräş mäydanında xatın-qızlar bil alışa ikän. Bıyıl anda 15 yäşlek Elza isemle qız üze cıynaq qına gäüdäle bulsa da, üzennän ber potqa awırıraq tutaşlarnı häm apalarnı ciñel genä atıp bärgän häm rayon çempionkası bulğan. Ä Mari respublikasınıñ Tatarstan çigendäge Voljski şähärendä Sabantuyı ğädättägeçä yal könnärendä tügel, ä kiläse çärşämbe könne bulaçaq.

Azatlıq radiosı öçen Qazannan Rimzil Wäli
XS
SM
MD
LG