Accessibility links

пәнҗешәмбе, 8 декабрь 2016, Казан вакыты 21:15

Qazanda XVIII ğasırğa qarağan Qazan İzge ana ikona ölgese tabıldı


Qazanda XVIII ğasırğa qarağan Qazan İzge ana ikona ölgese tabıldı

Sişämbedä Qazan şähäre administratsiäse sensatsiä iğlan itte. İrtä belän Universitet qarşındağı mäydanğa jurnalistlarnı cıyalar ikän digän xäbär taraldı. Cıyılu urını häm säbäpneñ añlaşılmawı zur intriga tudırdı. Cırdağıça, “Aq märmär kolonnalar” yanına irtänge yaqta 5-6 TV kompaniä wäkilläre, Qazandağı gazeta-jurnal xäbärçeläre cıyıldı. Berkem berni belmi, añlamıy. 5-10 minut soñlap, jurnalistlar aldına Qazan şähäre administratsiäse başlığı urınbasarı Lyudmila Andreeva çığıp bastı häm söyli başladı:

Qazanda moğciza. Kazanskaya ikona Bojey materi, yağni Qazan İzge ana ikonası 400 yıldan soñ ikençe tapqır küktän iñde.

Mäğlüm ki, tarix buyınça älege ikona Qazanda Qazan xanlığın 1579 yılda Mäskäw däwlätenä quşqannan soñ päyda bula. Ul 1904 yılğa qadär Qazannıñ Uspenie monastırendä saqlana häm yuqqa çığa. Menä şul ikonanıñ Vaticanğa barıp çığuı turında faraz bar. Şuña kürä monnan berniçä yıl elek Qazannıñ 1000 yıllığına äzerlek eşläre başlanğaç, Mintimer Şäymiev xäyer-fatixası belän Qazan şähäre administratsiäse başlığı Kamil İsxakov Rim Papası belän oçraşıp ikonanı Qazanğa qaytaru turında söyläşülär başlağan ide. Läkin Mäskäw moña qarşı töşte. Çönki bu Vatican belän Tatarstan mönäsäbätläre genä tügel, ä Rusiä-Vatican häm axırğı çiktä pravoslavlar belän katoliklar mönäsäbätläre.

Qazan şähäre administratsiäse başlığı urınbasarı Lyudmila Andreeva da älege sensatsiäneñ “ayaqları” qayan üskänenä işarä yasadı. Berençe itep, Vaticandağı ikonanı iskä aldı. Ä inde älege belderüne tıñlağan jurnalistlar bu açışnı oyıştırılğan säyäsi çara dip bäyälädelär. Älege universitet işek aldında arxeologik qazılmalarnı alıp baruçılarnıñ häm ikonanı qulına totıp qarağan keşelärneñ bulmawı bu käyeflärne tağı da qüätläde. Bu -- fänni açışnı säyäsät belän butaw, bu -- afera digän replikalar yañğıradı.
XS
SM
MD
LG