Accessibility links

пәнҗешәмбе, 8 декабрь 2016, Казан вакыты 17:14

Bötendönya Başqort Qorıltayına äzerlek bara


Bötendönya Başqort Qorıltayına äzerlek bara

Qazanda da Bötendönya başqort Kongressına äzerlek sizelä. Prezident Mintimer Şäymiev ike kön buyı Sverdlovskiy ölkäsendä yörsä dä, Qazanğa qaytıp 1 kön torğannan soñ Ufağa yulğa çığarğa mömkin. Säyäsät eşläre çetrekle, bergenä ğamälneñ dä, hiçşiksez, bulaçağına aldan äytep bulmıy, şulay da, Mintimer Şäymiev Başqortostanğa cıyına, digän xäbärlär bar. Anıñ belän bergä Tatarstan delegatsiäsendä kemnär baruı xäzergä bilgesez. Kürşe respublikada ütkän tuğandaş xalıqnıñ iñ zur qorıltayında Tatarstan liderı çığış yasamıy qalmasqa tieş. Qazan zıyalıları bu çığışta nindi fikerlär äyteler ikän, dip törle farazlar qora. Soñğı aylarda İleş, Dürtile, Çaqmağış kebek tatarça söyläşüçe häm üzen tatar dip sanawçılarnıñ tarixında başqort ezlären tabıp, Könbatış Başqortostanda yäşäwçelärne başqort dip iğlan itü Qazanda yäşäwçe tatar zıyalıların dulqınlandıra, çönki alarnıñ şaqtıy öleşen näq şul yaqlarda tuıp üskän. Tatarstan prezidentı Ufağa barğaç, başqort qardäşlärne täbrik itep, alarnıñ milli qazanışları belän soqlanğanda, Ural itäge tatarlarınıñ da dönya barlığın onıtıp cibärmäs mikän. Ğomümän, xäzerge federalizm, Mäskäw belän mönäsäbätlär, tatar xalqınıñ yazmışı turında iskä almıyça, başqort xalqı kiläçägen ayırım küzallaw mömkin tügel. Şuña kürä milli zıyalılarıbız Mintimer Şäymievneñ xäzerge wäzğıättäge prinsipial' süzen häm Başqortostan räsmi xaqimiätenä mönäsäbäten açıqtan-açıq işetäse kilä. Tatar mänfäğätlärenä başqort mänfäğätlären qarşı quyu Qazanda da, Ufada da xuplanmasqa tieş. Ğomumän äytkändä, tatar millätçeläreneñ patriotlıq häm radiqallek xisläre qazanı qaynap, çitkä tügelmi äle.

Soñğı waqıtta Bötendönya başqort Qorıltayınıñ millätlär öçen zur bäyräm ikänen isäpkä alıpmı, başqortnıñ radikal fikerle ğalimnärneñ tänqitläw älläni işetelmi. Üz milläte turında qayğırtqan tatar başqa millätneñ dä xälen añlarğa sälätle. Näq şul närsä qayber Rusiä säyäsi uyınçılarınıñ eçen poşıra. “Независисмая газета”nıñ 11 yün sanında Tatarstan başqortları Qorıltayı, Bötendönya başqort Qorıltayına ezerlek turında mäqälä basılıp çıqqan. Rafail Xäkimovnıñ “Восточный экспресс” gazetasında basılıp çıqqan diskussion mäqäläsendä Altın Urdada yäşägän xalıqtan başqortlar, üzbäklär, qırğızlar kilep çıqqan, digän fiker bar. “Независимая газета” häm anıñ xäbärçese Postnova Rafail Xäkimovqa başqort xalqı isemennän üpkä belderä. Yänäse, başqortlar tatra telen sañğa suqmıy, ä tatarlar başqort telen. İke tuğandaş millätneñ patriotı bulıp qılanğan Vera Postnova tatar belän başqortnı niçek tä talaştırırğa tırışa. Ğalimnärneñ tarix turında üzara bäxäsläşüen millätara nizağqa äyländerergä omtılu berençe tapqır ğına oçramıy.

Yunıs Ätnäle
XS
SM
MD
LG