Accessibility links

пәнҗешәмбе, 8 декабрь 2016, Казан вакыты 08:56

Rusiä köne Tatarstanda bäyräm iteläme?


Rusiä köne Tatarstanda bäyräm iteläme?

Çärşämbe 12 yün Rusiä köne bularaq bilgeläp ütelä. 12 yıl elek Rusiä Federatsiäse üzeneñ möstäqillege turında iğlan itkän. Boris Yeltsin häm Mintimer Şäymievnıñ Prezident saylawları da, şuşı ük könne ütkän ikän. Ämma bu xaqta bügen iskä töşerüçelär barmı soñ?

Moña qädär bäyrämne telğä dä almağan citäkçelär ber bersen Rusiä köne belän qotlıy başladı. Vladimir Putin, Mintimer Şäymievkä qotlaw telegramması cibärgän. Ul anda “Sezne çın küñeldän bu bäyräm belän qotlıym, 12 yıl elek Rusiä tarixında yaña säxifä açıldı, häm ilebez hamanda şuşı demokratik yulğa tuğrılıqlı bulıp qala”, dip yazğan.

Tatarstan Däwlät Şurası räise Färit Möxämmätşin, üz çiratında, şuşı oluğ kön belän respublika xalqın qotladı. “Rusiädä demokratik üzgäreşlär buldıruda, federal tözeleşne kamilläşterüdä Tatarstan xalqınıñ öleşe zur”, - dip äytä anda Färit Möxämmätşin häm süzen bolay däwam itä: “Rusiäneñ möstäqillege turındağı deklaratsiäsendä iğlan itelgän irekleklärneñ saqlanuwı -- federal tözeleş yulınnan taypılmağan, grajdanlıq cämğiäten tözegän, region häm üzäk arasındağı wäkältlärne büleşkän oçraqta ğına mömkin buluwına inanabız.” Parlament räise äytüençä, barı tik şul waqıtta ğına sotsial-iqtisadıy totrıqlıqnıñ, millät ara tatulıqnıñ urnaşuwı häm Rusiäneñ çäçäk atuwı mömkin.

Yuğarı däräcädäge citäkçelär ber-bersenä qotlawlar cibärep, säyäsi beldürälär yasağan ber mäldä, ğadi xalıq nindi bäyräm turında süz barğanın töğäl genä belmi. 12 yün, küplär tarafınnan, atna urtasına turı kilgän ğadi yal itep kenä qabul itelä. Qazan uramnarına çığıp, bu xaqta xalıq fikeren sorap qarağan idem. Näticädä, kupçelekneñ büğen nindi bäyräm bulğanın belmäwe açıqlandı. Ozaq waqıt salqınça hawa torışı tirğannan soñ, 12 yündä berençe tapqır cılı, cäyge kön buluwı, Qazan xalqı öçen iñ zur bäyräm bulğandır.

Ğadi xezmät iäläre yal itkän waqıtta, küp kenä xaqimiät wäkilläre eşkä çıqtı. İntertat.ru xäbär itüençä, Mäskäwdä ütäçäk tantanalarda qatnaşu öçen Rusiäneñ 88 subyektı belän bergä Tatarstan da üz wäkilçelegen cibärgän. Şähär xaqimiäte xäbäränä qarağanda, tantanalarda «Kazanorgsintez» şirkäteneñ «Yäşlek» biyü ansamble qatnaşqan.
XS
SM
MD
LG