Accessibility links

дүшәмбе, 5 декабрь 2016, Казан вакыты 19:49

Matbuğatta tatar-başqort mönäsäbätläre


Matbuğatta tatar-başqort mönäsäbätläre

Soñğı waqıtta futbol çempionatı turındağı söyläşülär berençe urınğa çıqsa da, säyäsi temalar barıber onıtılmıy. «Независимая газета» xäbärçese Vera Postnova küptän tügel «Başqortlarnı bolşeviklar uylap çığarğan, Stolıpin belän bergä» digän mäqäläsen bastırı. Baş isem itep saylanğan süzlär Rafael Xäkimneñ «Kem sin tatar?» digän mäqäläsennän yolqıp alınğan. Postnova tatarlarnı başqortlarğa qarata qırıs säyäsät alıp baruda gäyepli.

«Восточный Экспресс» gäzite baş möxärrir urınbassarı Rinat Bilalov, «Независимая газета» bastırğan mäqäläne uqıp çıqqannan soñ üz fikeren belderergä buldı. Anıñ äytüwençä, Vera Postnova tatar-başqort mönäsäbätlären añlap citkermi, häm bälki añlarğa da telämider. Üze qorıltayda bulmasa da, ul başqort häm tatarnıñ çığışların, alarnıñ üz-üzen totışların täfsilläp sürätläp birä alğan.

Rinat Bilalov: “Ul qorıltayda bulmadı. Kilğän oçraqta da ul anda ber ni añlamayaçaq ide, çönki qorıltay tatar häm başqort tellärendä bardı. Vera minem “Восточный Экспресс”gäzitendäğe mäqälemne uqığan da, faktlarnı üzgärtep şuşı mäqäläsen yazğan. Vera Postnova şulay uq Rafael Xäkimneñ “Kem sin tatar?” mäqäläsen dä telğä ala. Xäkimov ta, min dä bötenläy başqa problemalar turında yazabız. Ul anda tatarlarnı şovinist itep kürsätä. Min anıñ belän kileşmim. “Независимая газета” Tatarstanga qarşı inde berniçä şundıy mäqälä bastırdı.”

Tatar cämäğätçelege bu arada Rafael Xäkimneñ «Kem sin tatar?» dip isemlängän mäqäläläre xaqında fiker alışa ide. Xäzer inde, aktiv tikşerelä torğan temalar rätenä Vera Postnovanıñ şuşı xezmäten dä kertep bula.
XS
SM
MD
LG