Accessibility links

пәнҗешәмбе, 8 декабрь 2016, Казан вакыты 09:06

Qol Ğali isemendäge büläk iäläre iğlan itelde


Qol Ğali isemendäge büläk iäläre iğlan itelde

Ä Tatarstandağı tatar cämäğätçelegeneñ iğtibar üzägendä bu könnärdä, Qol Ğali isemendäge büläk iälären iğlan itü bulğandır. Tatar xalqınıñ Qol Ğali isemendäge xalıqara büläk komitetı «Ğomum törki poeziäneñ yaraluwı häm iñ borınğı formaları» digän monografiä öçen akademik Marsel Bakirov, «Faciğa» digän monografiä öçen akademik Rämzi Wäliev, «Xäzerge tatar ädäbi teleneñ alfavitı häm orfografiäse» digän xezmät öçen ğalim Xälif Qorbatov layıq buldı digän qarar çığardı.

Şular belän bergä bu büläkne şiğerlär şälkeme häm tarixi poemalar öçen şağır Qawi Latip, «Mörtät», «Qalımadan qaytqaç» digän romannar öçen Loqman Badıxşanov, «Ädäbiät teoriäse» digän uqu äsbabı öçen akademik Färit Xatıypov ta alaçaq. Bäygegä täqdim itelgän 6 fänni xezmätneñ 4-se «Miras» jurnalında dönya kürgän. Qalğannarı - «Mäğärif» häm Tatarstan kitap näşriätendä basılğan.

Tatarstan xäbärlären “Azatlıq” öçen Qazannan Bikä Timerova äzerläde
XS
SM
MD
LG