Accessibility links

пәнҗешәмбе, 8 декабрь 2016, Казан вакыты 12:50

Russiä futbolda Belgiägä ottırdı


Russiä futbolda Belgiägä ottırdı

Bu tapşırunı efirğa äzerlägändä Yaponiädän küplärne dulqınlandırğan xäbär ktlde. Rusiäneñ futbol komandası Belgiägä 2 : 3 isäbe belän ottırdı. Millionlagan futbol söyuçelär traurğa töşmäsär dä, zur borçılu kiçerde. Ä bit ömetlär dä, şanslar da bar ide. Bel'giä belän niç'ya, yäğni be tigez isäp belän uynap ta maqsatqa ireşergä bulır ide. Läkin Rusiä futbolçıları iske traditsiälärdän, başqaça äytsäk kiräk waqıtta ota almawdan qotılmadılar. Futbol uyınınnan reportaj alıp barğan kommentator bezneñ küñelne kütärergä tırışıp: «Rusiä tatar-mongol izüen dä, Napoleonnıñ basıp aluın da kiçergän, bu ottırışnı da kiçerer» — dide. Älbättä. Läkin Rusiäneñ ber çemetem xätle genä territoriäsen bilägän keşe sanı belän 15 tapqır azraq xalqı bulğan Belgiägä ottıru qayberäwlär tarafınnan milli oyat, pozor dip qabul itelä. Änä şundıylarnıñ qayberäwläre araqı çilägenä çumıp, küsäk kütärep mäydannarğa yözläre alarğa oşmağannarnı dömbäslärgä çığalar. Pänceşämbedä Mäskäwdäge Belgiä ilçelege saqlanu yözennän cirle xaqimiättän östämä köçlär sorağan ide. Rusiälelär ottırıp ölgermädelär, xalıq inde anekdot ta çığardı. Bezneñ komandanıñ baş trenerı Braziliäneñ baş trenerınnan sorıy ikän: — Äytegez äle sez niçek dürt tapqır dönya çempionı bula aldığız? — Bez qarşı yaqqa qaraçqılar quyabız häm alar belän uynıbız, — dip cawap birgän Braziliä komandası trenerı. Ber atnadan soñ bolar tağın küreşälär. — Nu niçek buldı? — dip sorıy ikän braziliäle. — Manekennar ottı, — dip cawap birgän Rusiä komandasınıñ baş trenerı. Texniqa, tiz yögerü — futbolnıñ töp bağanaları. Bu temağa östäp şunısın da äytäse kilä. Yaktaşıbız qapqaçı Ruslan Niğmätüllinnıñ uyını älläni yaxşı tä'sir qaldırmadı. Citmäsä, küptän tügel Ruslannar ğailäsendä tağın küñelsez waqiğa bulğan ikän. Qazan burları Ruslannıñ ätiseneñ fatirın basqannar, şaqtıy ğına äyberlären alıp çığıp kitkännär. Kem äytmeşli, qapqa östennän yöri.
XS
SM
MD
LG