Kirienko latin älifbası turında

Latin älifbasına qaytuğa ayaq teräp qarşı toruçılar bäyräm itä. Tarixçı, ğalim İskändär Ğilacev fikerençä, latin älifbası mäsäläsendä çigenü – tatar milläteneñ ciñelüe. Çönki süz monda älifba turında ğına barmıy. Ä milli mäsälälärdä tupas räweştä xalıqqa basım yasau kiläçäktä bötenläy keçeräk xalıqnı assimilyatsiä tegermänenä töşerep cibäräçäk. Sergey Kirienko Tübän Kamada çaqta Däülät Dumasınıñ “Rusiä xalıqlarınıñ älifbaların kirill xärefenä bäyläw” turındağı qanunnı qabul itügä tiskäre fikeren äytte. Ul älifbanıñ yazmışın Duma tügel, ä uqıtuçılar, ğalimnär xäl itärgä tieş, dip sanıy. Bälki Sergey Kirienko, tatarlarnıñ latinğa küçüen yaratmıydadır, ämmä qanun buyınça yäşäw kiräklegen añlawçılar Rusiäneñ säyäsi elitasında da oçraştırğalıy.