Accessibility links

якшәмбе, 4 декабрь 2016, Казан вакыты 15:25

Latinğa qarşı Duma deputatları kiläse saylawlarğa äzerlänäme?


Latinğa qarşı Duma deputatları kiläse saylawlarğa äzerlänäme?

Soñğı waqıtta Rusiä Däwlät Duması deputataı Fändäs Säfiullin küzdän yuğalıp tordı. Sişämbe irtäsendä Fändäs äfände Mäskäwdäge fatirınnan “Azatlıq” radiosınıñ Qazan byurosına şaltırattı. Beraz sırxawlap alağannan soñ ul bügen ük eşkä çığa ikän. Fändäs äfände Başqort qorıltayınıñ niçek ütüe turında täfsileräk mäğlümat ezli. Bu temanı «Azatlıq» radiosı kiläçktä dä yaqtırtırğa tırışaçaq.

Oçraqlı räweştä, 18 yündä Fändäs Säfiullin süräte “Вечерняя Казань” gäzitendä basılıp çıqqan. Ul anda bokserlar mäydançılığında, boks biäläyläre kigän kileş sürätlänä. Gazeta Fändäs Säfiullin belän elegeräk ütkärelgän intervyuda yasalğan xatalar turında yaña äñgämä bastıra. Forsattan faydalanıp, bez Fändäs äfändedän Rusiä xalıqların barı tik kirill älifbası belän genä basıtırıp totu turında qanunnıñ qabul itelüe turında soraştıq. Ni öçen bu qanun kiräk bulğan soñ? İñ möhime, ni öçen Tatarstannan saylanğan Sälimxan Äxmätxanov, Sergey Şaşurin kebek aqça yärdämendä säyäsättä qatnaşuçı deputatlar Tatarstan Däwlät Şurası qabul itkän qanunğa qarşı proektnı äzerläp birgännär?

Däwlät Duması deputatı Fändäs Säfiullin äytüençä, Tatarstanda saylawçılarnıñ tawışın alıp, Mäskäwgä barğaç, üz xalqına qarşı köräşä başlağan Sälimxan Äxmätxanov häm Sergey Şaşurinnar yañadan deputat bulırğa äzerlänep, säyäsi häm matdi resurslar töpli ikän. Ber yıldan başlanaçaq Duma saylawlarında mondıy deputatlar nindi xucalarğa yallanıp, qalcalı deputat mandatın qulğa töşerergä cıyınuın kiläçäktä dä küzätep torırbız.
XS
SM
MD
LG