Accessibility links

шимбә, 3 декабрь 2016, Казан вакыты 01:21

«İdel-Ural töbägendä xristian dine: anıñ tarixı häm mädäniäte» digän fänni-ğämäli konferensiä açıldı


«İdel-Ural töbägendä xristian dine: anıñ tarixı häm mädäniäte» digän fänni-ğämäli konferensiä açıldı

Çärşämbe könne Qazan milli-mädäni üzägendä «İdel-Ural regionında xristian dine: anıñ tarixı häm mädäniäte» dip isemlängän fänni-ğämäli konferensiä açıldı. Ul 19 yünnän 23-enä qädär däwam itäçäk. Konferensiä Qazannıñ meñyıllığına äzerlek qısalarında ütkärelä. Aniñ töp oyıştıruçısı - Rus pravoslav çirkäweneñ Mäskäw Patriarxiäse. Cıyılışta Rusiäneñ törle töbäklärennän, BDB illärennän, şulay uq Germaniä, İtaliä, Amerika, Fransiä, Portugaliädän wäkillär qatnaşa. Konferensiädä 5 seksiädä eş alıp barılaçaq. Anda xristian dineneñ tarixı, bügengese häm kiläçäge, xristianstvonıñ İdel-Ural töbäklärendä taraluı, şuşı töbäktä xristiannarnıñ tarixi häykälläreneñ xäle, Tatarstanda törle din wäkilläreneñ dus yäşäüwe häm başqa soraular tikşereläçäk. Şulay uq qatnaşuçılar töbäqara häm federal' etnokonfessional' säyäsät turında da fiker alışaçaqlar. Oyıştıruçılar süzenä qarağanda, bu konferensiäne Tatarstannıñ başqalası Qazanda ütkärü oçraqlı tügel. Qazan -- bik zur häm bay tarixlı, Aziä häm Yevropa traditsiälären berläştergän borınğı şähär. Qayber mäğlümätlärgä qarağanda, konferensiä barışında soñğı arada respublikada zur qaytawaz tapqan Kazanskaya ikona Boj'yey Materi mäsäläse dä tikşereläçäk.

Bu tema Tatarstanda xäzer inde pravoslav dinen totuçılarnı ğına tügel, ä, ğomümän, din belän qızıqsınmağan keşelärne dä bitaraf qaldırmıy. Şuña kürä, küptän tügel genä Vatikannan ğälimä, islam belgeçe Nuriä Gäräyeva qayttı digän xäbär kilgäç, bez Nuriä xanımğa möräcäğät itärgä buldıq. Sezneñ Vatikanğa baruığız şuşı ğawğa tudırğan ikonağa bäyleme, digän sorauğa ul bolay dip cawap birde:

Minem Vatikanğa baruım bu ikonanı qaytaruğa berniçek tä bäyle tügel. Läkin anda barğaç min bu mäsälä belän dä qızıqsındım. Vatikan wäkilläreneñ süzlärenä qarağanda, alar ikonanı Qazanğa qaytaruğa qarşı tügel.

Nuriä xanımnıñ bu säyäxätkä çığıp kitüeneñ maqsatı bötenläy başqa bulıp çıqtı. Üzeneñ säyäxäteneñ maqsatı turında ul «Azatlıq» radiosı tıñlauçılarına menä närsälär söyläde:

Minem Vatikanğa baruımnıñ töp säbäbe -- andağı arxiv häm kitapxänälärdä borınğı tatar ğalimnäreneñ qulyazmaların tabu. Min anda ike ay çaması eşläp, tatarğa qatnaşı bulğan şaqtıy ğına qızıqlı borınğı yazmalar taptım.
XS
SM
MD
LG