Accessibility links

Кайнар хәбәр

Tatarstannıñ däwlät telläre turında qanun qabul itügä 10 yıl tulğan könnärdä Texnologiä universitetınıñ däwlät tellärendä uqıtu üzäge yabıldı


Tatarstannıñ däwlät telläre turında qanun qabul itügä 10 yıl tulğan könnärdä Texnologiä universitetınıñ däwlät tellärendä uqıtu üzäge yabıldı

Uzğan ber xäbäremdä berençe Bötendönya kongressı uzuğa 10 yıl tuluğa qarata bernindi dä reaksiä bulmawı turında äytep kitkän idem. Nindider maxsus çaralar ütkärelmäsä dä, berniqadär reaksiä buldı. Basma mäğlümat çaraları bu datağa kommentariların birde. Xäyer, 5 yıllıq, 10 yıllıq datalar, yubileylarğa çaralar ütkärügä qarağanda, şuşı yıllarda başqarılğan eşlärne barlaw, näticä yasaw xäyerleräkter. Şuşı könnärdä däwlät telläre turında qanun qabul itügä dä 10 yıl tuldı. Läkin qılğan ğamällär genä berdä yubiley ütkärelrek tügel. Däwlät, xökümät citäkçeläre räsmi çığışların, “xörmätle qunaqlar” yä bulmasa, “xörmätle deputatlar” dip başlıylar da urısçağa küçälär. Mäğlüm ki, küptän tügel uzğan başqortlarnıñ İkençe Bötendönya qorıltayında tatarça çığış yasawçı beräw genä buldı. Xäzer monıñ turında İdel-Ural töbäge şaw kilä. Menä şundıy data, menä şundıy däwlät tele xäzergä tatar tele.

Şuşı könnärdä Qazannıñ Тexnologiä universitetında ike teldä uqıtu üzäge yabılu turında iğlan itelgän. Mäskäwdän kilgän komissiä mondıy üzäkne finanslaw qanuni tügel dip tapqan. Tatarstan xökümäteneñ däwlät telläre buyınça maxsus komissiäse bar. Anıñ berniqadär matdi yärdäm itü mömkinlege dä bar. Läkin komissiä qulındağı aqçalarnı barı tik kitaplar, däresleklär näşer itügä genä totarğa yarıy ikän. Keşelär totu, xezmät xaqı tüläw mömkinlege yuq.
XS
SM
MD
LG