Accessibility links

җомга, 9 декабрь 2016, Казан вакыты 16:46

Tatarstanda Qırım könnäre başlandı


Tatarstanda Qırım könnäre başlandı

21 yündä Tatarstanda Qırım avtonomiäle respublikası könnäre başlandı. Bu dürt könlek çarada qatnaşır öçen Qazanğa älege respublikanıñ mädäniät ministrı Aronova, Yuğarı Rada wäkilläre, Ukraina yazuçılar berlegeneñ qırım tatar bülege citäkçese Şaqir Sälimov häm başqalar kilde. 21 yündä kiçen Kärim Tinçurin ismendäge teatr binasında möxtärräm qunaqlar qatnaşında zur konsert buldı.

Qazanlılıar «Xaytarma» qırımtatar däwlät cır häm biyü ansamble, muzıkal' drama teatrı çığışların qarayaçaqlar, cılı yaqtan kilgän qan-qärdäşlärebezneñ mädäniäte, sänğate tarixı belän yaxşıraq tanışaçaqlar.

Qırım tatarlarınıñ yazmışı, äle bügengä xätle däwam itkän azatlıq öçen köräşe qäläm ostalarınıñ icatında bik açıq çağıla:

Äyländem Qırımnıñ, min taw-taşların,
Qayğılar, xäsrätlär sarğan başların
Min söylim, sin anıñ sin sört küz yäşlären
Bez ükenmi, kem ükensen? Yandıq qandäşlär…


Äşraf Şämi-zadä yazğan bu matäm cırı tuğan cirlärennän sörelgän, äçe yazmış qoçağına taşlanğan, läkin ciñelmägän xalıq turında. Azatlıq öçen, räximsezlek öçen, wäxşilek belän bertuqtamıy köräşkän qırım tatarları üzgärtep qoru yıllarında berençe cinügä ireştelär -- watannarına, tuğan tufraqlarına äylänep qayttılar. Şik yuq: qırım tatarlarınıñ ruxi köçle, niätläre izge, inde möstäqil däwlätlären dä tulısınça torğızırlar, inşalla.

Qazan qunaqlarınıñ hämmäse diärlek 23 yündä Sabantuylarında qatnaşaçaqlar, kem äytmeşli «eş betkäç -- küñel açırğa da yarıy».

Damir Ğismetdin
XS
SM
MD
LG