Accessibility links

шимбә, 3 декабрь 2016, Казан вакыты 09:53

Vladimir Putin ütkärgän matbuğat oçraşuına Tatarstanda mönäsäbät


Vladimir Putin ütkärgän matbuğat oçraşuına Tatarstanda mönäsäbät

Rusiä prezidentı Vladimir Putinnıñ düşämbedä ütkärdän matbuğat oçraşuın Tatarstan tamaşaçıları kiç belän tulısınça tağın ber tapqır qaradılar. Eş şunda ki, Tatarstan Däwlät teleradiokompaniäse üzeneñ tapşırular çeltären üzgärtügä kereşte. Säğät 20.00 Tatarstan yañalıqların çigerep, “Вести” programmasın kürsätä başladılar. Süz üñayınnan şunı da äytergä kiräk, Rusiä däwlät teleradiokompaniäse, yäğni Tatarstan däwlät teleradiokompaniäseneñ xucası cirle yañalıqlarnı programmalar çeltärendä saqlap qalırğa quşqan, dilär. Çönki yañalıqlarsız däwlät kanalı säyäsi yoğıntısın yuğalta. Küräseñ, Rusiä öçen bu berdä qulay tügel. Häm menä Vladimir Putinnıñ matbuğat oçraşuın Tatarstan tamaşaçıları kim digändä, ike tapqır qaradılar. İnde qayber mönäsäbät tä mäğlüm. Rus telendä çığa torğan ğazetlar “menä bit, Vladimir Putin millätlär, töbäklär turında nindi äybät süzlär äytkän”, dip anıñ cawaplarınnan özeklär kiterä. Läkin millät, respublika mänfäğätlären çınlap qayğırtuçılar bu bik döres häm artıq töçe süzlär astında şul uq ber säyäsät yata, dip bäyälilär.
XS
SM
MD
LG