Accessibility links

пәнҗешәмбе, 8 декабрь 2016, Казан вакыты 10:58

Qazanda Mixail Kasyanov iqtisadi mäsälälär xäl itä


Qazanda Mixail Kasyanov iqtisadi mäsälälär xäl itä

Sişämbe könne Qazanda iqtisadi mäsälälär dä quyırdı. Qazanğa Rusiä premyer-ministrı Mixail Kasyanov kilde. Mixail Kasyanovnı Qazanda inde yazdan birle kötälär. Tatarstan citäkçelege Rusiä premyerına Tatarstan iqtisadı mömkinleklären kürsätep, anı innovatsiä proektların tormışqa aşıruda äydäp baruçı töbäk itep täqdim itärgä teli. Berençe çiratta, aviatsiä sänäğätendä. Qazanda citeşterelä torğan Tu-214 oçqıçına Samara belän bergä tawışlanmıy torğan motor yasaldı. Xäzer Tu-214 oçqıçın teläsä qaya täqdim itsäñ dä, yözgä qızıllıq kilmäs, inşalla. “Ansat” boralaqlarınıñ da küptän exportqa çığarırğa waqıt. Bolarnıñ barısına da däwlät yärdäme, finanslaw kiräk.

Şuña kürä Mixail Kasyanov vizitı barışında Tatarstanda superbank oyıştıru mäsäläse dä xäl iteler, dip kötelä. Monıñ öçen “Zenit”, “Aq Bars” häm “Dewon-Kredit” bankların quşu farazlana. “Zenit” bankınıñ 50%,“Aq Bars” bankınıñ 28% häm “Dewon-kredit” 12% aksiälären kontroldä totuçı “Tatneft“ berläşmäse citäkçese Şäfäğät Taxavetdinov, älege banklarnı quşu mäsäläse şuşı könnärdä ütkäreläse aksionerlar cıyılışında xäl itelergä tieş, dip belderde. Ägärdä bu banklar berläşsä, Rusiä bankları arasında berençe unlıqqa kergän superbank xäsil bulaçaq, dielä räsmi kommentariyda.

Tatar-inform agentlığı 25 yündä Qazanğa Rusiäneñ elemtä häm mäğlümat ministrı Leonid Reyman kilde, dip xäbär itä. Ul Qazanda ütäçäk “Awıl cirendä elemtä infrastrukturası üseşe mäsäläre” digän III Bötenrusiä konferensiäsendä qatnaşaçaq. Sişämbe könne Qazan Kremlendä Leonid Reymannı prezident Mintimer Şäymiev qabul itte häm Tatarstanda elemtä infrastrukturası xäle turında söyläşü buldı, dielä räsmi xäbärdä.
XS
SM
MD
LG