Accessibility links

шимбә, 3 декабрь 2016, Казан вакыты 09:55

27 yün -- yäşlär köne


27 yün -- yäşlär köne

Pänceşämbe, 27 yün könne, böten Rusiä yäşlär köne bularaq bilgeläp ütelä. Tatarstanda yäşäüçe xalıqnıñ 40% yäşlär, ä ayırım şähärlärdä 30 yäşkä citmägän yeget-qızlarnıñ sanı böten xalıqnıñ 50% täşkil itä. Qısqası, Tatarstanda yäşlär küp häm alarnıñ problemaları iğtibarğa layıq. Yäşlär ministrı Marat Bariev jurnalistlar belän oçraşıp, xisap tottı. Respublikada «Tatarstan balaları», «Tatarstan yäşläre» digän däülät programmaları uñışlı ütälep kilä, yäş ğailälärgä taşlamalı bäyädän fatir satıp alırğa mömkinlek birelä, nindider ictimaği eşne başqarırğa alınğan yäşlär oyışmalarına aqça bülenä häm başqa şundıy cawaplı proektlar tormışqa aşırıla ikän. Tatar yäşläre, yış qına, üsep kilüçe buını qayğırtuçı şuşı oyışmağa, «bezgä az iğtibar itäsez» digän üpkäsen belderä. «Student yazı» festivallären ütkärü öçen birelä torğan aqça, tatar studentlarınıñ «Yağımlı yaz» bäygesenä ayırılğan aqçağa qarağanda distälärçä tapqırğa kübräk bula. Tatar yäşläre könnärendä qatnaşuçılarnıñ sanı da yıldan yıl azaya bara. Tatarstannan çittä eşläüçe tatar yäşläre oyışmalarınıñ wäkilläre dä Qazanğa siräk kenä kilä xäzer. Ämmä, alarnıñ problemaları annan ğına xäl itelmi bit, äle kiresençä arta ğına baradır.
XS
SM
MD
LG