Accessibility links

Кайнар хәбәр

27 yün Yäşlär köne


27 yün Yäşlär köne

27 yün Yäşlär könendä Qazanda çığa torğan abruylı ber gäzitneñ yäşlärgä bağışlanğan mäqäläse “Böten Rusiädä yılaw, sıqtaw, yäşlär belän beräw dä şöğellänmi” digän baş astında çıqtı. Tatarstan yäşläre bezneñ belän şöğellänmilär dip, uram buylap ükrep yılap yörmilär üze, şulay da problemalar citärlek. Yäşlär problemaların çişü öçen törle däwlät, xökümät programmaları bar. Bıyıldan başlap “Tatarstan balaları” digän programma cibärelde. Narkotizatsiäne profilaktikalau programması, yäşlärne vatanpärvär itep tärbiäläw, yäş ğailälärgä yärdäm programmaları eşli. Şulay da programmalarnıñ isemnäre äytep ük tora - xäzerge zamanda yäşlär öçen tormış bigräk tä qatlawlı.

Äye, yäşlär xäzer törleçä yäşi. Saylaw mömkinlekläre küp. Sin pioner, äy bulmasa, sin komsomol dip, sin şuña omtılırğa tieş, sin moña omtılırğa tieş dip beräw dä citäkläp yörmi. Barı tik ata-analar ğına balaların niçekter urnaştırırğa, tormışın caylarğa tırışa. Häm elektän kilgän ğadät buyınça belemle bulu, diplomlı bulu maqsatın quya. Sotsiologik tikşerenülär bıyıl urta mäktäplärne tämämlawçı 43 meñ yeget-qızlarnıñ 80% yuğarı uqu yortlarına kerergä telilär ikän. Läkin bu omtılış asılında da nindider uñay tendensiä, belemgä omtılu, kiläçäkkä ışanıç tügel. Kübesençä, mäktäp tämämlaw belän yünle eşkä urnaşu mömkinlege bulmağanğa, ata-analarnıñ balalarınıñ närsä beländer mäşgül buluların tämin itü omtılışı. Yäşlär temasın yomğaqlap, yäşlär eşläre buyınça häm sport ministrlığınıñ Yäşlär köne aldınnan Tatarstanda yäşlär säyäsäten tormışqa aşıru torışı turında xisaptan mäğlümatlar. 2002 yılnıñ 1 ğinwarına Tatarstanda 784 664 yeget-qızlar yäşlär bulıp isäplänä. Student yäşlär sanı 223 500. 16-29 yäşenä xätle yäşlär arasında 7 meñ keşe räsmi räweştä eşsezlär bulıp terkälgän. Respublika narkologiä dispanserında räsmi terkälgän 7 meñgä yaqın narkomannıñ kübese yäşlär.
XS
SM
MD
LG