Accessibility links

шимбә, 10 декабрь 2016, Казан вакыты 02:06

Tatar jurnalistları kiñäşä


Tatar jurnalistları kiñäşä

Pänceşämbedä Qazanda Rusiä Federatsiäseneñ töbäklärendä yäşäwçe tatarlar öçen bastırıp çığarıla torğan kiñküläm matbuğat çaraları baş redaktorlarınıñ berençe seminarı uzdı. Anıñ eşendä Rusiäneñ 15 töbägennäñ 23 keşe qatnaştı. Seminarnı Ministrlar Kabinetınıñ ictimaği oyışmalar häm kiñküläm matbuğat çaraları belän eşläw bülege oyıştırğan ide. Tatar-inform xäbärlärenä qarağanda, seminar mäğlümät çaraları aşa Rusiä töbäklärendä yäşäwçe tatarlarnı berläşterüdä berençe adım bulıp tora häm anı avgust ayında uzaçaq Bötendönya Tatar Kongressı aldınnan ütkärü bik tä urınlı. Şuña da älege çarağa BTKnıñ citäkçelege ciılıp kilgän ide. Soñğı arada ilneñ törle töbäklärendä sibelep yäşägän millättäşlärebezgä Tatarstan yağınnan iğtibar bermä-ber arttı. Häm bu kürkäm borılış näticädä real' uñışlarğa da kiterergä mömkin. Älegä respublikadan çittä yäşägän millättäşlärebezneñ xälläre şaqtıy borçulı. Millätneñ umırtqa söyage bulğan tatar tele möşkel xäldä. Bu xaqta seminarğa kilgän qayber jurnalistlar borçılıp söylädelär.
XS
SM
MD
LG