Accessibility links

якшәмбе, 4 декабрь 2016, Казан вакыты 05:07

Mixail Kasyanov Tatarstanğa kilep kitkäç.


Mixail Kasyanov Tatarstanğa kilep kitkäç.

Rusiä premyer-ministrı Mixail Kasyanov Tatarstanda bulıp kitkäç, küktän bäleş yawmadı älbättä. Şulay da, oçqıçlar yasaw häm KamAZ avtomobillären citeşterü, zavodta eşläwçelär öçen dä, respublika öçen dä faydalı bulsın disäñ, xällär kisken üzgärergä tieş. Bälki TU-214 oçqıçların qullanu öçen kiräkle lizing şikrätläre xökümät yardämen alğaç, Qazan oçqıçları tirä yaqqa küpläp oça başlar. Ä KamAZ avtomobillär zavodında yaña direktor kilgännän soñ başlanğan üzgäreşlär, nindi yunäleştä barır? Härxäldä, KamAZnıñ aksionerlar ciılışında dividendlar almawğa qänäğätsezlek belderüçelär tawış kutärgäç, şirkättäge xällärneñ dä ciñel tügellege açıqlandı. Bu ciılışka Rusiäneñ sänäğät ministrı, KamAZnıñ direktorlar şurası räise İlya Klebanov ta kilgän ide. “Tatspirtprom” şirkäte çığarğan araqınıñ azraq satıla başlawı, budjetka aqçanıñ kimräk kerüe şulay uq xäwefle xäbär bulıp sanala. Finans torğınlığınnan araqı şirkäten çığaru öçen çaqırılğan iqtisadçı, Rusiäneñ elekke ministrı Andrey Şapovolyans älege tarmaqnı üzgärtü öçen radikal çaralar täqdim itä. İqtisadıy şalqannı Klebanov tartsa da, Şapovolyans yolqısa da, başqalar österäsä dä, Rusiä iqtisad moxitendäge xäl Tatarstanğa da zur tä’sir yasıy. Şulay da Mäskäwlärgä ömet itep, üzenä kübräk ışanğan respublika batıp qalırğa telämi.
XS
SM
MD
LG