Tatarstan cämäğätçelege Başqortostanlılarnıñ qayğısın urtaqlaştı.

Dönya mäşäqätläre artınnan quıp, 1-nçe iyüldän ğämälgä kergän qanunnarnı tikşergän bulıp, inde militsiä totsa ni eşlärgä dä, avtoinspektsiä xezmätkäre tuqtatsa ni eşlibez, dip qısır xäsrätlärgä birelep yörgändä, çın qayğı-xäsrät turında xäbär kilep ireşte. Dönya mäğlümat çaraları, Başqortostan hawa yulları oçqıçınıñ Almaniä kügendä xäläkätkä oçrawı turında xäbär itte. İñ täfsille mäğlümat Intertat.ru säxifäsendä çıqtı. Biredä, oçqıçqa utıruçılarnıñ kübese balalar buluı häm alar arasında Başqortostan citäkçeläre balaları, ayırım alğanda Başqortostan Prezidentı apparatı citäkçeseneñ qızı hälak buluı turında xäbär itelde. Bu olı qayğı-xäsrätkä böten Tatarstan ax itte. Ayırım keşelär, ictimaği oyışmalar, alar arasında berençe çiratta Bötendönya tatar kongressınıñ başqarma komitetı häm, älbättä, däwlät citäkçeläre qayğı urtaqlaşu telegrammaların cibärde.