Accessibility links

Кайнар хәбәр

Tatarstan yuğarı mäxkamäse Zvyagintsevnıñ ğarizasın qariaçaq.


Tatarstan yuğarı mäxkamäse Zvyagintsevnıñ ğarizasın qariaçaq.

«Tatarstan - yaña ğasır» ictimaği-säyäsi xäräkäte 3 yıllıq eşçänlegenä yomğaq yasadı. Tatarstan Däwlät Şurası räise Färit Möxämmätşin soñğı könnärdä şuşı xäräkät räise bularaq çığışlar yasadı. Şuşı çığışlarında ul iñ qatlawlı, iñ awır sorawğa da cawap birde. Mäğlüm ki, Mäskäw basımı astında Tatarstan Konstitutsiäsenä üzgäreşlär kertelde. Ä Tatarstan citäkçelege Konstitutsiädä däwlät statusına qağılışlı iñ möhim mätdälärne saqlap qalırğa tırıştı. Läkin Konstitutsiäneñ yaña redaksiäse 2-nçe xätta 3-nçe uqılışta qabul itkännän soñ da, Federal üzäk Tatarstan Konstitutsiäsenä kertelgän üzgäreşlär belän qänäğätlänmäde. Şul könnärdä ük, Rusiä General Prokurorı urınbasarı Aleksandr Zvyagintsevnıñ yaña protestlar äzerläwe mäğlüm buldı. Möxämmätşin 3 iyüldä ütkärelgän matbuğat oçraşuında, çınnan da, 23 iyüldä Tatarstan yuğarı mäxkamäse Zvyagintsevnıñ Tatarstan Däwlät Şurasınıñ respublika statusına qağılışlı elekke mäxkamä qararların ütämäwenä qarata ğarizasın tikşeräçäk, dip belderde. Zvyagintsev Tatarstan Däwlät Şurası Konstitutsiäneñ yaña redaksiäsen qabul itkändä qayber normalarnı tiyeşençä üzgärtmäde, dip sanıy. Şulay uq, Tatarstan Konstitutsiäseneñ qayber matdälärenä protest ta belderelä. Zvyagintsevnıñ 8 pozitsiädä däğwası bar. Suverenitetka, grajdanlıqqa qağılışlı häm Prezidentnıñ ike telne belü zarurlığı turındağı matdälär däğwälänä. Şulay uq, Konstitutsiägä nigezlämä itep kertelgän şartnamä dä protestlana.
XS
SM
MD
LG