Federal üzäk Tatarstan parlamentın tarata almas.

Möxämmätşin Tatarstan Konstitutsiäseneñ däwlät statusın bilgeläwçe matdäläreneñ Rusiä Konstitutsiäsennän häm xalıqara xoquq normaları nigezendä tözelgänen täqrarlıy. Ğömumän, Konstitutsion mönäsäbätkä qağılışlı mäs’älälärne ğömumi yurisdiksiädäge mäxkamägä birü belän Möxämmätşin kileşmi. Mondıy mäs’älälärne Konstitutsion mäxkamädä genä qararğa mömkin, dip sanıy ul. Ä inde Federal üzäk belän qarşılıq zurğa kitep Tatarstan parlamentın taratuğa barıp citmäs dide Möxämmätşin. Bez söyläşülärgä kereşep, normal, legitim yul uzarbız, dip sanıy Tatarstan Däwlät Şurası räise.