Accessibility links

якшәмбе, 4 декабрь 2016, Казан вакыты 17:26

Tatartsannıñ elekke säyäsi elitası baylıq üzläşterüdä ğäyeplänä.


Tatartsannıñ elekke säyäsi elitası baylıq üzläşterüdä ğäyeplänä.

“İtogi nedeli” tapşıruında iqtisad häm milek turında şaqqatırğıç xäbärlär taratıldı. Qazanda söñğı waqıtta, berniçä yarımxosusıy şirkät eşçänlegen tikşerälär ikän. “Tatin-treyd”, “Selena” aktsionerlıq cämğıätläre citäkçeläreneñ berse Röstäm İsxakovnıñ “Aerostan” digän oçqıçlar şirkäte belän bäyle ikänlegen belä idek. Qayber mäğlümätlargä qarağanda, Tatarstannıñ elekke säyäsi elitası wäkilläre, bu şirkätlärne oyıştırıp, zur baylıqlarnı üz qullarına töşergän. Rusiäneñ milek ministrı Färit Gäzizzullin bu eşlärgä niçek qarağan? Xosusıylaştıru niçek häm kem faydasına alıp barılğan? Soñğı waqıtta “Timerxan” aksionerlıq cämğıäte, Usad spirtzavodı tiräsendä dä şaw-şular çığıp tora. “Tatspirtprom” berläşmäse Usad şirkäte direktorı Yeğorovnı bernindi säbäpsez eştän alğan, digän mäğlümat bar. Ä Bua spirt zavodına zur ışanıç häm yardäm kürsätelä imeş. “İtogi nedeli” tapşıruınıñ avtorı L.Tolçinskiy bu mäğlümatlarnı dönyağa yañğıratıp, närsäder ätyergä teli. Häm bu “närsädär” - Tatarstannıñ yuğarı däräcädäge milekçelär, citäkçeläre belän bäyle ikänlege kürenep tora. Milek bulğaç, anıñ tiräsendä ığı-zığınıñ kilep çığuı ber dä ğäcäp tügel. Milek-baylıqlar duslaştıra da, aralarnı da bozarğa sälätle alar.
XS
SM
MD
LG