Accessibility links

җомга, 9 декабрь 2016, Казан вакыты 16:49

Mintimer Şäymiev: <I>“Rusiä-Belorusiä berlege prinsipları tormışqa aşarlıq tügel.”</I>


Mintimer Şäymiev: “Rusiä-Belorusiä berlege prinsipları tormışqa aşarlıq tügel.”

Säyäsätçelär dä üz yullarında yörilär. Mäğlüm ki, düşämbedä, Mordoviädä, Rusiä Prezidentı Vladimir Putin İdel buyı federal okrugına kergän töbäk citäkçeläre belän sotsial-iqtisadıy üseş problemalar turında kiñäşmä ütkärde. Älege kiñäşmädä, Tatarstan Prezidentı qatnaştı häm çığış yasadı. Anda bötenläy qolaq işetmägän yaña täqdimnär yañğıramadı yañğıramawın. Şul uq köndäş itärlek, zaman taläplärenä turı kilgän towar citeşterü, citeşterüçene yaqlaw, neft sänäğäten üsterü. Şunısı küzgä taşlandı, Rusiä häm Tatarstan mäğlümat çaraları, Tatarstan citäkçese çığışın bötenläy diärlek kürsätmäde. Küräseñ kiñäşmäneñ käyefe şundıyraq bulğandır. Kübräk Vladimir Putinnıñ tänqıt süzlären, şul isäptän, wäkalätlärne büleşü turındağı şartnamälärgä qarata da tiskäre fikeren işetterdelär. Ä räsmi xäbärlärdä Mintimer Şäymievneñ Rusiä-Belorusiä berlegenä qarata tiskäre fikere kiterelä. «İnterfaxs» agentlığı xäbärendä, Tatarstan Prezidentı Mintimer Şäymiev: «Zamanında Rusiä Prezidentı Boris Yeltsin häm Belorusiä Prezidentı Aleksandr Lukaşenko qul quyğan kileşü qısalarındağı Rusiä-Belorusiä berlege prinsipları çınlıqta tormışqa aşarlıq tügel», - dip sanıy. Mäğlüm ki, monnan berniçä yıl elek, Rusiä häm Belorussiäneñ quşıluı turında süz çıqqaç, Mintimer Şäymiev moña qarşı çığıp, ägär dä mondıy berlek buldırılsa, Tatarstan da şundıy uq status, yäğni soyuzdaş respublika statusı turında taläp quyaçaq, digän ide. Häm menä xäzer, Rusiä citäkçelegeneñ Rusiä-Belorusiä berlegenä qağılışlı fikere üzgärgännän soñ, Mintimer Şäymiev üzeneñ bu fikeren tağı da köçäytebräk belderle. «Rusiä Prezidentınıñ kemgäder kisken bulıp kürengän älege pozitsiäse, tormış çınbarlığınnan häm suveren däwlätlär berlegen tözüdä bötendönya täcribäsennän kilep çığa”, - dide «İnterfaxs» agentlığına Tatarstan Prezidentı.
XS
SM
MD
LG