Accessibility links

сишәмбе, 6 декабрь 2016, Казан вакыты 15:20

Bötentatar ictimağı üzäge Tatar Kongressınıñ statusın kütärerğä täqdim itä.


Bötentatar ictimağı üzäge Tatar Kongressınıñ statusın kütärerğä täqdim itä.

Tatar cämäğätçelege öçen dä iñ qızu, çellä waqıtı citte. Çärşämbe könne Qazan tatarlarınıñ qorıltayı bula, anda III Bötendönya Tatar Kongressına delegatlar saylanaçaq. Bu könnärdä Qazan xaqimiäte koridorlarında namzätlär isemleklären kütärep yörüçelärne kürergä bula, dilär. Äyye, törle däräcädäge çinovniklar, türälär, märtäbäle kongressta delegat bulıp, hiç yuğında qunaq räweşendä, TV kameraları aldında, bötendönya cämäğätçelege qarşında kürenüne bik mäslixät eş dip sanıylar. Ä çınlap torıp millät öçen can atıp yörgän oyışmalar, III Kongressta tatarlarnıñ iñ layıqlı wäkilläreneñ häm barı tik demokratik şartlarda saylanuların mäslixät eş itep kürälär. Bötentatar ictimaği üzäge III Bötendönya Tatar Kongressı uñayınnan «Millätebezne märtäbäle it, Kongress» digän maxsus belderü yasadı. İctimaği üzäk ike iñ möhim mäs’älägä iğtibar itärgä çaqıra. Berençedän, delegatlarnıñ legitim şartlarda, tatar cämğıätläreneñ barısı da qatnaşqan xalıq ciınnarında, konferensiälärdä kürsätelüenä häm delegat itep xalıq tarafınnan tanılğan milli xäräkätneñ eşlekle, eruditsiäle, qıyu liderlarınıñ saylanuına ireşü. İkençedän, Kongress eşçänlege Tatarstannıñ möstäqıllegen saqlawğa, cömhüriätne çın-çınlap milli märkäz itärgä, anıñ xalıqara abruyın kütärü ideyäsenä xezmät itärgä tieş. Monıñ öçen Bötentatar ictimaği üzäge Kongressnıñ kön tärtibenä distä yarım mäs'älälär kertüne teli. Şular arasında berniçä yaña ideya bar. Konstitutsiägä Tatarstannıñ barlıq tatar xalqınıñ mänfäğätlären qayğırtu turındağı ayırım matdä kertelüenä nigezlänep, BTK başqarma komitetınıñ Tatarstan Däwlät Şurasına mönäsäbätle statusın bilgeläw turında. Tatarstan xökümätendä millätlär eşläre ministrlığın buldıru turında.
XS
SM
MD
LG