Accessibility links

шимбә, 3 декабрь 2016, Казан вакыты 18:52

Qazan meñyıllığına äzerlänä


Qazan meñyıllığına äzerlänä

Tatarstanda haman da bik esse, qızu könnär tora. Sişämbe könne kiçen yawıp ütkän yäşenle yañğır da hawanı suıtmadı. Şuña da qaramastan, Qazanda eş tuqtalmıy. Sişämbe könne Kamil İsxakov citäkçelegendäge Qazannıñ meñyıllığına äzerlänü komissiäse üzeneñ çirattağı utırışın uzdırdı. Utırışta bäyrämne qarşılap eşlänelgän çaralarğa näticälär yasaldı. Şulay uq anda alda eşlise eşlär turında da süz bardı. Başqalabıznıñ meñyıllığına nibarı 1147 kön genä qalğan. Ä alda torğan eşlär äle bixisap. Mäsälän, Qazannıñ gerbın, şähärneñ poçetlı grajdanı digän isemne buldıru. Läkin anıñ öçen maxsus qanunnar qabul itelergä tieş ikän. Başqa şundıy küp kenä çaralar da älegä tormışqa aşıruğa äzer tügel bulıp çıqqan. Bäyrämgä äzerlek çaraların finanslaw mäs’äläse dä xäzerge waqıtqa qädär çişelep betmägän. Şulay itep, bäyräm inde yaqınlaşıp kilä, ä xäl itelmägän mäsälälär älegä qala bira.
XS
SM
MD
LG