Accessibility links

Кайнар хәбәр

Çärşämbe könne Salix Säydäşev häykäle eskizlarına konkurs açıldı


Çärşämbe könne Salix Säydäşev häykäle eskizlarına konkurs açıldı

Çärşämbe, 10 iyül könne, Salix Säydäşev muzeyında kürenekle kompozitorğa quyılaçaq häykäl eskizlarınnan torğan kürgäzmä açıldı. Bu inde küptännän bara torğan konkursnıñ öçençe turı. Xäbär itelgänçä, konkurs Qazan şähäre administratsiäse häm Tatarstannıñ Mädäniät ministrlığı tarafınan iğlan itelgän ide. Bäygedä Qazan, Mäskäw häm Peterbur ostalarınıñ eşläre qatnaşa. Jüri äğzäläre süzlärenä qarağanda, bäygeneñ bu turında Qazan sınçıları Mäxmüt Ğäsimov häm Asiä Miñnullina, şulay uq, Mäskäwdän Yuri Balaşovnıñ eskizları qızıqsınu uyatqan. Şulay itep, bäygeneñ turları däwam itä, häykälneñ nindi häm qayçan buluı äle haman da açıqlana almıy. “Azatlıq” radiosı öçen Tatarstan xäbärlären Qazannan Gölnaz İlgizär äzerläde.
XS
SM
MD
LG