Accessibility links

җомга, 9 декабрь 2016, Казан вакыты 03:12

Pänceşämbe könne Bötentatar ictimaği üzägendä tanılğan ğalim Wil Mirzayanov matbuğat oçraşuı ütkärde.


Pänceşämbe könne Bötentatar ictimaği üzägendä tanılğan ğalim Wil Mirzayanov matbuğat oçraşuı ütkärde.

Matbuğat oçraşuına milli xäräkät liderları, tatar zıyalıları häm jurnalistlar ciıldı. Wil Mirzayanov başta ciılğan xalıqqa üzeneñ Amerikağa kitü tarixın iskä töşerde. Mäğlüm bulğança, ul 90-nçı yıllar başında ximik qoral kompleksına qarata ikeyözle däwlät säyäsätenä qarşı çıqtı. Anı Mäskäwneñ Lefortovo törmäsenä yabıp quydılar. Şunnan soñ anı Rusiä general' prokuraturası tulısınça aqladı. 1995 yıldan ul Amerikada Prinston şähärendä öylänep yäşi. İke ir-bala üsterälär. Olı ulı inde universitet tämämlağan, keçe ulı VIII sıynıfta mäktäptä uqi, xokkey belän mawığa. Mirzayanov Amerikadağı tormışınnan qänäğät, Tatarstanğa kilü maqsatın ul tuğan ciren sağınıp, xalqın sağınıp küräse-söyläşäse kilüe belän añlattı. Ul inde tuğan yağında, Başqortostanda, Dürtöyledä bulıp kilgän. Küplärgä mäğlüm, Mirzayanov Rusiädäge, Tatarstandağı, Başqortostandağı wäzğıätne İnternet çeltäre aşa küzätä, analizlıy, xäbärdar bulıp tora. Şuña kürä ul başta qısqaça ğına Rusiädäge häm Tatarstandağı säyäsi wäzğıätkä tuqtaldı. Anıñ fikerençä, Rusiädä dä, Tatarstanda da demokratik yünäleştän, demokratiä pozitsiäsennän çigenü bara. Soñğı waqıtta ul Boris Berezovskiy tözegän firqä eşçänlege belän qızıqsına häm anıñ Rusiäneñ tağın da tarqaluın wäkälätlärne astan öskä tapşıru prinsibında tözelgän konfederatsiä tözü yulı belän tuqtatu programmasın xuplıy. Sorawlarğa cawaplar birgändä, söyläşü Amerika demokratiäsen bezneñ demokratiä belän çağıştıru, nigä bezdä bolay da, anda tegeläy digän ritorik sorawlarğa äylände. Mirzayanov fikerençä, älegä bezdä demokratiä bik zäğif, anıñ nigezlämäse yuq, grajdanlıq cämğıäte tözelmägän. Şuña kürä xalıq fikeren alğa ütkärü mexanizmnarı yuq. Tatarstan bäysezlege turında qabat-qabat süz çıqqaç ta, mäğlümat oçraşuında wäzğıät kiskenläşte. Mirzayanov Tatarstannan dekolonizatsiäläw turında möräcäğätlär kilgäç, Amerikadağı xalıqara xoquq oyışmalarına möräcäğät itkän. Läkin ul oyışmalarda Rusiäneñ ber genä respublikasınnan, xätta Çeçnädän da dekolonizatsiä problemasın quyu bulmağan, dide. İke säğättän artıq barğan matbuğat oçraşuında Mirzayanov kiläçäk xalıq sanın aluğa qarata, latinğa küçügä qarata da mönäsäbäten belderde. Ciılğan xalıq oçraşudan qänäğät qaldı. “Azatlıq” radiosı öçen Qazannan Yunıs Ätnäle
XS
SM
MD
LG