Accessibility links

дүшәмбе, 5 декабрь 2016, Казан вакыты 15:32

Tatar möselman xatın-qızları oyışması mäxkämägä möräcäğät itte


Tatar möselman xatın-qızları oyışması mäxkämägä möräcäğät itte

Tatar möselman xatın-qızları oyışması häm anıñ citäkçese Älmira Ädiätullina Qazannıñ Waxitov rayonı mäxkämäsenä möräcäğät itkännär. Yawlıq kiep töşkän fotonı pasportqa yabıştırırğa Rusiä qanunı röxsät itmi. İslam qanunnarın bozırğa telämägän xatın-qızlar üz xoquqların yaqlap mäxkämägä barırğa uylağan. Waxitov rayonı mäxkämäsendä möslimälärneñ ğarizaların qabul itep, berençe utırışnı kiläse atnağa bilgeläp tä quyğannar. Bu xoquq yaqlaw çarasında 15 xatın-qız qatnaşa. Pasport-viza xezmäte citäkçese Galina Faxrutdinova möselmannarnıñ xislären yaxşı añlasam da, bernärsä eşli almıym, foto aqlı-qaralı häm baş kiemsez bulırğa tieş, di. Waxitov rayonı mäxkämäse mondıy eşne berençe tapqır qarıy. Ämma yawlıq kiep töşkän foto arqasında pasport birmäwneñ xoquqilığın tikşerü turındağı ğarizalar könnän-kön arta ikän. Ädiätullina äytüençä, ägär dä Qazan mäxkämäsendä möselman xatın-qızlarnıñ eşläre uñay xäl itelmäsä, ul xalıqara xoquq yaqlaw oyışmalarına möräcäğät itäçäk. Ber-işe xäbärlärgä qarağanda, Qazan xatın-qızlarına Rusiä Däwlät Duması deputatı Flürä Zıyatdinova teläktäşlek beldergän. Ägär eşlär barıp çıqmasa, ul älege mäs’äläne Däwlät Dumasınıñ çirattağı utırışında kütärergä wäğdä itkän. Damir Ğismetdin
XS
SM
MD
LG