Accessibility links

Кайнар хәбәр

Penza ölkäsendä Tatarstan delegatsiäse buldı


Penza ölkäsendä Tatarstan delegatsiäse buldı

Uzğan yal könnärendä Tatarstan delegatsiäse Penza ölkäsenä barıp, millättäşlärebezneñ xälen belep qayttı. Zilä Wälieva, Rinat Xaris, Marat Mähdiev, Färit Urazaev, Sarman rayonı citäkçelärennän torğan delegatsiä häm İlham Şakirov, Röstäm Zakirov, şulay uq, Sarman rayonı üzeşçän artislarınnan torğan sänğät törkeme şimbä könne tatar dönyasında iñ zur awıl bulğan Urta Äläzändä buldılar. Xalıq belän oçraşu, turıdan-turı fiker alışu tönge säğät 12-gä qädär däwam itkän. Bu awılda 5 mäçet bar. İslam dine biredä zur rol' uynıy. Döres, sänğät mäktäbe yuq, tatarça uqıtu eşläre öleşçä genä quyılğan. Awılda 10 meñ keşe yäşi. Tormışları xälle. Äläzän yortlarında 1700 yök maşinası, şul isäptän 1200 KamAZ avtomobile buluın äytü dä citä. Ğömümän, Qazannan 600 çaqrımdağı Penza moña qädär çit planetadağı kebek sanaldı. Penzadan 1200 çaqrımdağı Sarman tatarlarınıñ biregä kilüe, konsertlar kürsätep, çatırda tabın qoruı, säwdä oyıştıruı, Sabantuy batırlarına büläklär tapşıruı keşe ışanmaslıq ber närsä, töşkä kergän manzara kebek toyıla. Yäkşämbe könne Penzanıñ Üzäk parkında Sabantuyı bulğan. Anda ölkä gubernatorı Vasiliy Boçkaryovqa Qazan qunaqları tatar çapanı häm tübätäy kidergännär. Bik kileşä ikän aña tatar kieme. Bu xällär turında ayırım äñgämälär kiläse tapşırularda bulır.
XS
SM
MD
LG