Kriminal' yañalıqlar

Macarasız tapşıru, gäzit mäqäläläre bulmıy, dilär. Qazanda da macaralar bulıp tora. Alar küñelle tügel. Qazan psixik awırular dispanserı baş tabibı Röstäm Xalitovnı eş bülmäsendä atıp ütergännär. Xäzer bu cinayättä şiklänelgän ike keşe totılğan. Räfis Kaşapovnı häm başqa Çallı millätçelären qıynawğa mönäsäbäte bulğan 8 keşe, şulay uq, qulğa alınğan. Bu cinayät säyäsät belän tügel, ä kommersiä, säüdä eşläre belän bäyle bulıp çıqqan. “Azatlıq” radiosı öçen Qazannan Rimzil Wäli.