Volgogradta tatar ziratında vandalizm aktına reaksiä

Xäbäremneñ azağında Rusiä mäğlümat çaralarında çıqqan tağın ber şundıy şaqqatırğıç xäbär turında. “Россия” gazetasında uzğan atnada Volgogradta tatar ziratı dip yörtelgän qäberlektä vandalizm aktı bulğan, digän xäbär çıqtı. Tatarstanda ictimaği oyışmalarında, mäğlümat çaralarında bu xäbärgä älläni iğtibar itelmäde. Gärçä, soñğı waqıtta bu tema bik populyarlaşıp kitte. Eş şunda ki, “Жизнь'” gazetası soñğı sanında Germaniä kügendä Başqort hawa yulları oçqıçı belän Boing oçqıçı bäreleşü häläkätenä bağışlanğan yazma çığardı. Mäqälä bik intrigalı başlana. Anda monnan berniçä yıl elek Başqortsotannıñ ber törkem citäkçeläre Ufanıñ prestijlı urınında küpqatlı yort saldırğannar, yort urınına borıñğı qäberlek urını saylanğan bulğan. İmeş, qartlar kilep, monda yort salmağız, monda yort sala başlasağız, bäxet kürmässez, dip kisärtkännär. Läkin qartlar süzenä türälär qolaq salmağannar, imeş. İslamda zirat – izge ber urın. Ğadättä, ziratqa mal-tuar kertmilär, xätta, tik tomalğa kerüdän balalarnı da tıyalar. Şulay itep, şäriğat qäberne tuzdıru tügel, aña ayaq belän basu, taptawnı da tıya. Şuña kürä, Volgogradtağı xälgä äylänep qaytıp, qäberlärne borçuğa, xätta süz dä tabıp bulmıy. Şul säyäsi terminologiädäge vandalizm aktı soñğı waqıtta Rusiädä barğan waqiğalar rätenä antisemitizm, şovinizm häm faşizm töşençäläre rätenä genä quyıp bula. Yunıs Ätnäle