Accessibility links

сишәмбе, 6 декабрь 2016, Казан вакыты 20:59

Qazanda «Rossiä» aviaşirkäte öçen oçqıçlar tözü tämamlana


Qazanda «Rossiä» aviaşirkäte öçen oçqıçlar tözü tämamlana

Qunaqlar kilä-kitä tora, ä respublika tormışı üz çiratı belän däwam itä. Şuşı könnärdä Qazanda citeşterelgän Tu-214 oçqıçı «Rossiä» aviaşirkätenä tapşırılaçaq. Xäzerge waqıtta ör-yaña Tu-214 aviaberläşmädä sınawlar ütä. Tağın ber şundıy uq oçqıç avgust-sintäber aylarında safqa basaçaq. Alar ikese dä Tatarstannıñ Gorbunov isemendäge berläşmä häm «Rossiä» aviatransport şirkäte arasındağı 2002 yılnıñ martında tözelgän kileşü nigezendä citeşterelde. İnde xäbär itkänebezçä, şuşı uq berläşmädä citeşterelgän ber oçqıç Yıraq Şäreqneñ «Dal'avia» kompaniäse tarafınnan satıp alınğan ide. Şulay itep, Rusiä kügendä Tatarstan oçqıçları kübäyä bara. Ä Qazannıñ Gorbunov isemendäge aviaberläşmäsendä zakazlar cıyalar, yaña oçqıçlar citeşterergä äzerlänälär. Respublikanıñ iqtisad häm sänäğät ministrı urınbasarı Sergey Muxin süzlärenä qarağanda, berläşmäne zur üzgärtülär kötä. Bilgele bulğança, Qazan aviaberläşmäse - federal' milek isemlegendä häm anda eş Tatarstan belän Rusiä tarafınnan bergälektä alıp barıla. Şuña kürä, andağı reformalar da Qazannıñ ğına tügel, ä federal' üzäkneñ dä baş awırtuwı bulırğa tieş, dip sanıylar respublikada.
XS
SM
MD
LG